 24 شعبان 1430هـ, 07:16 مساء
|
رقم المشاركة :
1 (permalink)
|
 عضو المملكة | | | |  كلمات اغاني الفنان سلامه العبدالله الله رحمه الله
 موال هيض القلب
يا من يجر الصوت من حرّ ما جاه
أرجوك يكفي ما احتمل دمع عينك
ما قدر المولى على العبد يلقاه
الصبر زين وجعل ربي يعينك
ما لك تذل النفس والغبن ترضاه
هذا نصيبك يا مفرك ايدينك
ودّي تحقق كل شيٍ تمناه
يا سعْد عيني يوم يضحك جبينك
ابكي معي
ابكي معي يانجوم ليل انتظاري
مات الأمل قولي معي يا خساره
حسي قسوة لهيبي وناري
آخر رجى يا نجوم ونّة مراره
محدٍ يا نجومنا ليش ساري
غير الونين اللي يزيد الحراره
صار القمر يا نجوم جارك وجاري
والجار يحن الجار منّه زياره
يا نجوم ردي زاد منك احتياري
عَز الكلام وما بقى إلا الإشاره
يا نجوم ما جيتي معي بإختياري
جيتي مثل ما غاب سيد العذارى
اللي على فرقاه هلّت عباري
من فوق عيني جاريات بغزاره
اقفا وصد ولا ذكر ويش جاري
واقفا معه ليل الفرح مع نهاره
ليته تهيّد لين يسمع قراري
ولا يعلمني الغضي في قراره
لا قال انا بايع ولا قال شاري
عيّا يقول رغبته واختياره
خذني سند
خذني سند وارتاح لا تنقل الهم
فيني اتكل خل الحمول الثقيله
مني ترى ما تسمع إلا نعم سم
اطيع واركض في نهارك و ليله
بس اعفني يا داعج العين وارحم
انه الجفا تكفى بأية وسيله
خل انتفاهم قولها يالغضي تم
ساعة لقى تشفي القلوب العليله
اشكي عليكم واشتكي منك واندم
وأحس بك فرحه ودار وقبيله
فيك التقى شريان قلبي مع الدم
جسمين لكن قلب واحد نشيله
مهما حصل لابد ما يوم نلتم
انتا وانا قصة غرامٍ طويله
آه يا مل عينٍ ما تنام
آه يا مل عينٍ ما تنام
كن فيها رمد ولا هزوم
أسهر الليل من زود الغرام
واتقلب ماغير اقعد واقوم
كن لي بالمرض عشرين عام
الله اقوى وين عشرين يوم
ياهل الخير ودو له سلام
سلموا لي عليه اكبر لزوم
والله اني خطير بالهيام
اتعزى على برد وسموم
حبيبتي هي ديرتي
حبيبتي
هي ديرتي
احبها أحبها
دايم تعيش بخاطري
وانا اعيش بقلبها
احبها احبها
حبيبتي
هي ديرتي
احبها أحبها
دايم تعيش بخاطري
وانا اعيش بقلبها
"
برمالها وسهولها
وجبالها وديانها
أصونها بدم حمر
وأنام في أحظانها
احبها احبها
حبيبتي
هي ديرتي
احبها أحبها
دايم تعيش بخاطري
وانا اعيش بقلبها
"
العز والله عزها
قالوه في أمثالها
منسى الصديق وخيرها
صدقانها وعيالها
احبها احبها
حبيبتي
هي ديرتي
احبها أحبها
دايم تعيش ابخاطري
وانا اعيش بقلبها
"
من خبرة الدنيا وهي
أرض السلام الحالها
ماجالها أحدن ملتجي
إلا حموه ارجالها
احبها احبها
حبيبتي
هي ديرتي
احبها أحبها
دايم تعيش بخاطري
وانا اعيش بقلبها
"
يا ما رعتنا بالحنان
وأعطتنا من أفضالها
بدروبها شفت الأمان
والكل قبلي قالها
احبها احبها
حبيبتي
هي ديرتي
احبها أحبها
دايم تعيش بخاطري
وانا اعيش بقلبها
خبرتني بالسفر
خبرتني بالسفر من شان توجعني
ماقلت معنا ولا منك تحريته
عرفت قدري ولا يحتاج تقنعني
سافر مع اللي من الخلان حبيته
ألقى عشير مع الايام ينفعني
يعطيني إخلاص قلبه مثل ما اعطيته
لا تحسبني حزين اليوم تخدعني
الله ينصر محبٍ إنت ذلّيته
لا يا عشيري يفرض توادعني
اخاف عيني تبوح بسر اخفيته
ما كان ملزوم يا خلي تلوعني
مدام في بالك التعذيب سنيته
العشرة اللي مضت بالهجر تنفعني
ولا ترى طبعك اللي شان مليته
لا وا حسايف احسبك فوق ترفعني
خيبت ضني على قلبٍ توليته
رماني بالعيون
رماني بالعيون السود أسمر
وادمى مهجتي واسهر عيوني
يبات الليل وانا والله اسهر
ودمع العين قد حرك جفوني
وش جاني فؤادي بالتحسر
مالي من الهوى كل الغبوني
يضيق الخلق والخاطر تكدر
وحساد الهوى دونه ودوني
انا عاشق وصابر للمقدر
لأن الحب في قلبي حزوني
ابو راسن جديله لا تنثر
على الردفين من فوق المتوني
الى شفته ترى اعصابي توتر
اذا أغضيت النظر زادت شجوني
الا ياغصن بان لا ...
يذوب القلب من كثر الشجوني
الا يازين ما تعطف وتنظر
في حال اللي بدا باكر جنوني
صبرت اليوم
صبرت اليوم والليلة
وانا ما في يدي حيلة
ولا جتني مراسيله
وروحي منه تعبانه
انا ماقوى العزى دونه
وعيني فيه مفتونه
اشوف الموت في عيونه
وروحي منه تعبانه
زريف الطول ما شفته
وانا لي بالهوى لفته
تعب قلبي وكلمته
عليه العين ولهانه
بكت عيني من الفرقى
وحبه بالحشى يرقى
عليها جاوب الورقى
عقب صده وهجرانه
دخيلك يا بعد روحي
تراني منك مجروحي
مريض الحب ما يوحي
يابو عينٍ فتانه
علامك يانضر عيني
تبعدني وتدنيني
تذبحني وتحييني
افا وشهو علشانه
انا ودي يصارحني
لا صار الحب جارحني
ابي كلمة تفرحني
وتحي القلب واغصانه
.
يا هلي من ظيم
يا هلي من ظيم الأيام واعزالي
لو بغيت الصبر بانت بي الماريه
هالسنة من ضيقة البال ما نيب خالي
لو ضحك سني ترى علتي داخليه
صابرٍ دور السنة جبّر الله حالي
في رجا الله ثم ابو قذلتن خمريه
كان جا مني خطا جازني بأفعالي
لا تزيد اجروح قلبي على ما فيه
وا عسى من حال بيني وبين الغالي
ما يميز حد شمس الضحى والفيه
يا هلي من ضيم الأيام واعزالي
لو بغيت الصبر بانت لي الماريه
جروحي تسليك
مدري متى صارت
جروحي تسليك
عقب الوفا وشلون غرتك دنياك
يامن علي اليوم
تترك طواريك
نهاية الغدار ماضن تخفاك
في حبك الثاني
عسى الله يهنيك
حنا مع الايام ندله وننساك
غالي الدموع أرخص
,,تها لك وانا ارجيك
ابني لك بدمعي وتهدم بيمناك
كنت الرجا واليوم
خاب الرجا فيك
أرخصت ماضينا وغيرت مبداك
وين الحنان اللي
مقره موانيك
وين الضمير اللي عن الغدر ينهاك
يكفي ما قاسيت
منك و تغليك
ما انت على قلبي وصيٍ و ملاك
مليح القد والقامة
مليح القد والقامة
يحسب اخطاه باقدامه
عسى الله يسعد ايامه
زريف الطول غض العود
طلع يمشي على هونه
على سطح البلكونه
سهوم الموت بعيونه
ولا ناشد ولا منشود
ذبحني زين الأوصافي
وانا منه قبل متعافي
متى توفي وتستافي
لحقني بالهوى منقود
ابو خدين ورديه
ورمش العين لافيه
وقيده قيد ريميه
وريحه مثل دهن العود
الا يازين كلمني
خذ علومي وعلمني
متى يازين ترحمني
وصلني ...
حبيب الروح خف ربك
قتلني بالهوى حبك
وطب الجرح من طبك
وشوفك غاية المنشود
حبيبي كم بكت عيني
ونار الحب تكويني
انا ودي مداويني
بوصلك والسلف مردود
أحب آقف على بابك
تركت الكل باسبابك
لو اللي صابني صابك
شكيت النفس قبل يزود
انا وياه بالديره
ونفسي ماتبي غيره
تحت حكمه وتأشيره
وحبله للهوى ممدود.
يهل الدمع من عيني
من شان عينك يهل الدمع من عيني
يا كثر دمع على فرقاك هليته
ما لي حبيب على الغاية يسليني
الا انت ياللي ما لك بالقلب واشقيته
ولعتني بالهوى من شان تشكيني
ياما وياما من الغربال عانيته
حبك جرحني عسى ربي يعافيني
غيرك من البيض والله ما تمنيته
مسكين راع الهوى والحب مسكيني
يبي المروفه ولا كنه تحديته
الحب حديني لك وانت متحديني
وامسيت حيران لين الليل سريته
لي حبيبٍ ما رأيته من زمان
لي حبيبٍ ما رأيته من زمان
له جبينٍ كنّه البدر المنير
ما حلا منطوقه ... اللسان
كنها خمسة عشر توه صغير
الدلع والغنج فيها والحنان
ليتني للزين جار لا قصير
يا حبيبي طال صبري بالهوان
من بعدها نسكب الدمع الغزير
ارحم المشتاق واكتب في بيان
واذكر اللي صار في جوف الضمير
حبكم يازين في أغلى مكان
ساكنٍ قلبي ولا معكم خشير
ما رأيتك من بعد عيد ارمضان
اتركو قلبي ترى قلبي خطير
بانتظارك ياحبيبي بالمسان
لي ثلاث اسنين في حبك نسير
حداني عن حبيب القلب
حداني عن حبيب القلب حادي
ترى فرقى الحبيب أكبر مصيبه
جروح الحب قلبي جدادي
ألا يا ويل من فارق حبيبه
ترى جرح الهوى بالقلب زادي
وجرح الحب ما يبرى صويبه
ألا يازين لا تجرح فؤادي
حياة الروح طولة المغيبه
بياض العين من حد السوادي
كما الغدران في روضٍ عشيبه
أنا دمعي يسيل كل وادي
ترى الفرقى على مثلي صعيبه
زريف الطول يا غاية مرادي
متى قلبي يبي يفرق لهيبه
أنادي وانت ما اوحيت المنادي
أصيح الصياح وجروحي عطيبه
حبيبي يا حمامه
حبيبي يا حمامه ما فطن لي
وناري بالحشا زاد إلتهابه
انا ودي ولكن ما حصلي
زريف الطول ما ارسل جوابه
ذبحني بالتدلع والتغلي
عسى المعبود يحفظ لي شبابه
سهرت الليل ودموعي تهلي
وهاف الوسط دمعي ما درى به
عسى من لامني في حب خلي
يعلّه ينهش غلْب الذيابه
ألا ياليت لو شرّف محلي
وانا مبسوط من حظرة جنابه
شريك الروح يا عزّي وذلي
وعلّق بالحشى حربك صوابه
ورمشه فوق وجنته مظلي
ولا ودي نوضحها اجنابه
ما أبيك تفزع
ما ابيك تفزع خلني في عذابي
ما حب من قلبه مع الغير مفتون
الله يساعدني يرحم شبابي
ضاع العمر ما بين حسرات ومزون
خطيتي يومك أشعرك في عتابي
ما شفت منك احساس ناسٍ يحبون
جرحتني وشلون تطرق ...
ما عاد ينفع والمخاليق يدرون
ماغير من الناس حبّه سطابي
تزيدني لوعات وأقول ممنون
أعز نفسي عنك أصك بابي
لو إن شوقي زوّد جرح مطعون
ماهمّك القلب العليل المصابي
تقفي وقلبي مع لياليك مرهون
حتى ولو يكبر عليك ارتيابي
لاشك سرّك داخل النفس مدفون
اصفوا معي يا اهل القلوب الموده
اصفوا تراني مانفعني شكايه
ياحبيب الروح ياناس مده
ماعاد شفته يوم لبس العبايه
مبطي وانا ما شفت عينه وخده
قلبي مع المحبوب ماهو معايه
لولا الغلا ما بيح القلب سده
من شان وجهٍ مثل وجه المرايه
كفٍ يصافح به وكفٍ يمده
كنه يسوي به القلب دعايه
الله اكبر كل شيٍ بضده
حكايه العشاق ياهي حكايه
بين الرياض وبين مكة وجده
والله مدري وش تصير النهايه
يوم استوى من ناب العود قده
خافوا عليه انه تجيه وصايه
لا واعذبي كل يومٍ اعده
هذا بلى عيني وهذا شقايه
شفت الهنا ياهل القلوب المصده
الله معطيكم على السر غايه
خليك صغير السن لاحدٍ يرده
ولا انا بقدم عليكم شكايه
والكل منكم لو دفع رد حده
و... اللي يتبعونه هوايه
لو كل من حوله يهدونه هده
الحب للمحبوب ما به روايه
الله لا يطول علينا بشده
اللي حصل منهم علينا كفايه
راع المحبة لو بكى لا تلومه
راع المحبة لو بكى لا تلومه
لا تعذلونه على كثر ما به
خلوه يبكي لو يمزع هدومه
من حرّ ما يوجس تمزع ثيابه
الليل كله يسهره ما ينومه
الحب غربالٍ على من شقا به
يا حول انا قلبي تزايد همومه
ما جابه الورق على الولف جابه
على عشيرٍ يوم جتني علومه
قالوا مريضٍ قلت لا واسبابه
الصاحب اللي ما حلا من رسومه
اللهِ لا ايغيّر عليه ابشبابه
كانه تعذب كل يومٍ بيومه
ترى عذابي يا هلي من عذابه
لازم مريض الحب يشكي سهومه
اللي تمكن في ضميري صوابه
حبيبي يا سلامه
حبيبي يا سلامه صد عني
وانا بالسوق واقف بانتظاره
اشوفه بالنظر وابعيد مني
بقلبي حط لي صال الحراره
ترى بالحب ما مثله شحني
مع الناس من بدو وحظاره
حبيبي لا نوى بخلاف ضني
يخلي الجيب تلاع الزراره
عيونه لاشبحني يذبحني
بطرفه احجاجه يرمز لإشاره
ولا ياليتني للشوق غني
ارى رمشه هده ليل ونهاره
عيونه لا ذكرته يسهرني
قتيل العشق يصبر بالخساره
لطيف الروح بالحب امتحلي
وباقصى الصدر خلي شب ناره
طعونه في ظميري بك مضني
غريق الموت طلعني بناره
يا هاجري بالهوى
يا هاجري بالهوى
الهجر هذا عجيب
يشهد عليه الملا
وان قلت شوري عليك
خلى الخواطر تطيب
شفتك تبي تزعلا
مثلك يعرف الهوى
والحب ما فيه عيب
ما يمكن ينجلا
يا خلي وش غيرك
وانت الصديق الحبيب
يازين زمان اولا
اول تجي عندنا
واليوم عنا تغيب
وتقاطع المنزلا
بعدك علي ما يهون
مقاطعك لي صعيب
ياما عليك اسهلا
هل كيف بنساك انا
والقلب جرحه عطيب
والله ما قد سلى
معذور لاجل الهوى
لو شفت منك تعذيب
غلاك ما ينجلا
سبحان من صورك
بالحسن هذا الغريب
واعطاك هذا الحلا
الوجه بدر التمام
والقد غصن رطيب
واخوك ريم الفلا
انت السهام اللذي
يا ويل منهو يصيب
عليك طرفك حلا
يا زين عذبتني
والله عليكم حسيب
يقوله المبتلى
ياناس هذا الخطر
ان صحت مالي مجيب
لو كنت مستعجلا
واللي جرالي جرى
وكل شي بالنصيب
والناس تتبدلا
مجروح انا من نظرته
مات حبك
مات حبك والبقيه في حياتك
في حنايا خاطري لاقا مصيره
خذمع الجثمان باقي ذكرياتك
تجربه حبي معك كانت مريره
ياعدو الحب ركب الحب فاتك
لاتجيب ان طعتني للحب سيره
حبك الي تدعي هوحب ذاتك
ومن يحب الذات مايرخص لغيره
غرني ياصاحبي ظاهر صفاتك
غلطتي ياللاسف كانت كبيره
هديت لك يازين
اهديت لك يازين قلبي هديه
وش عاد تهديـــــــن
يازين لمريت سلم عليه
ياكامل الزين
لو بصبعك يازين رد التحيه
ياداعج العين
كويت قلبي كيتن فوق كيه
من بين ضلعين
ياروح روحي رد الروحي عليه
شفت العذابين
ارحم تراني زرت حوض المنيه
والموت قافين
واذاذبحتني بلاي خطيه
وش تستفيدين
رمح الهواء قاعد له عسكريه
بين الحجاجين
فيها صواريخ وبها مدفعيه
لك مستعدين
رميتني بالفردو البندقيه
يوم انت ترمين
هذي طعونك بينات وخفيه
يوم انت ترمين
سلمت روحي رافع لك يديه
حسب القوانين
انا صويب وعلتي باطنيه
محد مداوين
الا انت يابو قذلتً هلهليه
ادواك يشفين
ياغصن وردً في ذا راضي لفيه
يشرب من العين
يشرب من الشلال صبح وعشيه
بين البساتين
يابوثمان تقل تثلج برديه
بين الشفاتين
يا ذا الحمام سجع بلحون
وشباك على عيني تبكيها
ذكرتني عصر مضى وفنون
وقبلك دروب الغي ناسيها
لاتطري الفرقا وانا المحزون
ما داني الفرقا و طاريها
يامن يعاوني على الغليون
والدله الصفرا مراكيها
اهلي يلوموني ولايدرون
والنار تحرق رجل واطيها
هل دمعي
هل دمعي على خدي نهار الوداع
يوم قالوا فمان الله جاني بلاي
التفت والتحضني بالعيون الوساع
وارسل الدمعه الي زاد منها عناي
خايفً من فراق ماوراه اجتماع
ياالله اليوم لاتقطع رجاه ورجاي
طاحت اقدام رجلي في محلي ذراع
مااقدرالمشي قدام ولارجع وراي
صرت مثل الغرير الي بسن الرضاع
اتضيم واصيح صياح من غير راي
جعل من لاع قلبي في فراقه يلاع
حيث وصله هوى قلبي وغاية مناي
اتصبر ولا ودي يطول النزاع
واكتم الغيض بااسبابك وهذا جزاي
الهوى له يذل القلب لوهو شجاع
مثل ماردني ترف القدم عن هواي
خايف السرمن بيني وبينه يشاع
ثم تدري الخلايق عن خفاه وخفاي
المصيبه ان كان الود والعرف ضاع
ثم زادت شجوني من خلايف خلاي
لاتستمع
لاتستمع لاصوات ناس تناديك
تراك تحرجني بكثرة التفاتك
وإلا عشان القلب مولع وهـاويك
تلعب على كيفك بعاشق حياتك
أمـوت وأحيا عند زولن يراعيك
مـــاأحب غيري يفرح بذكرياتك
مــا ودي افضح حبي اليوم وادعيك
خايف عواذل لاتزلزل ثباتك
عذبتني حيرتني فى تماديك
عيني عليك وذبحتي من سواتك
ارحم شعور اللى يحبك ويغليك
لا تجعل اسلوبك يشوه حلاتك
مدري متى صارت جروحي تسليك
مدري متى صارت جروحي تسليك..
عقب الوفا وشلون غرتك دنياك
يامن على اليوم كثرة طواريك
نهاية الغدار ماظن تخفاك
فى حبك الثاني عسي الله يهنيك
وحنا مع الايام ندله وننساك
غالى الدموع ارخصتها لك وأنا ارجيك..
ابني لك بدمعي وتهدم بيمناك
كنت الرجا واليوم خاب الرجا فيك..
ارخصت ماضينا وغيرت مبداك
وين الحنان اللى مقره موانيك ..
وين الضمير اللى عن الغدر ينهاك
يكفى ما قاسيت منك وتغليك..
مــــــــــــاأنت على قلبي وصي وملاك
عطني مثل قلبك
عطني مثل قلبك ولا أقول وينك
لا غبت عني ياهوي البال وأبطيت
حبك بقلبي لو تشوفه بعينك
عذرتني من غيبتك لو تشكيت
احن لك واشتاق لك و لحنينك
ويضيق بالى كل ماشفتك اقفيت
ماودى ان الوقت بيني وبينك
ياقف ويبعد خطوتك يامن اغليت
كم ودى آخذ فى يميني يمينك
واعيش فى عمر الغلا وين حبيت
يا سلوتي قلب المعني ضنينك
لا تجرحه بالبعد دامك توليت
ياناس راعي المحبه
ياناس راعي المحبه لا تعذلونه
ماهوب عن صاحبه داله ولا سالى
لو يسهر الليل كله لا تلومونه
الـــــحب بلوى ماني بأول ولا تالى
لي صاحبن ماقطعت الياس من دونه
لو غاب عني خياله بس يبرالى
الصاحب اللى سحر هاروت بعيونه
ودي بوصله ولكن ما تهيالى
يا هايف الخصر عيني فيك مفتونه
والبعد ياصاحبي ما يرخص الغالى
الروح ياصاحبي بحماك مرهونه
عزى لحالى عقب فرقي هوى بالى
مايجرح القلب كود أفراق مضنونه
ابطيت ماأرسلت لي يازين مرسالى
اجر صوتن جميع الناس يوحونه
غديت كني المصيح بالخلا الخالى
احلا لقاصدفه بلا ميعاد دايم لقانا..
وأحلا لقا اللى كان من غير ميعاد
ادري وتدري كيف قيمة غلانا..
والناس في وادي وانا وانت في واد
الوقت عيا لا يحقق رجانا..
واشواقنا بقلوبنا دوم تزداد
نخفي مشاعرنا بلوعة عنانا..
عسي الهنا اللى راح يرجع وينعاد
ليت الظروف اللى سعت في شقانا..
في صفنا لو يوم تمشي وتنقاد
نسعد بها والوصل يروي ضمانا..
ترقد عيونن ماتهنت بمرقاد
تزهر محبتنا وترقص منانا..
وتشرق على دنيا الهوي شمس الاسعاد
وننسي العذاب اللى لهيبه كوانا..
وايامنا تصبح تغاريد واعياد
كان الليالى ما مشت مع هوانا..
يكفي لقانا اللى على غير ميعاد
ريحه الماضى
كل شئ راح في درب وسري
إلا شئ بالحشا عيا يروح
ياوزين الروح ويش اللى جري
غبت عن عيني وخلفت الجروح
من جفاك العين جافاها الكري
العرب تمسي وانا اسهر وانوح
مايطيب القلب جرحه مابري
ما يطيب الجرح مادامك شحوح
لي ثلاث اشهور محدن بي دري
اكتم العبرات مابيها تبوح
العيون اتهل والحال امبري
والضلوع من الصبر قامت تلوح
تقفي الايام ترجع بي وري
واتمني ريحة الماضي تفوح
ألا ياليت من قفي يردي
ياليته كل ما انادي يردي
ياليته لو يجاملني بكلمه
ترد الروح للقلب المودي
ياليته كل ماغنيت يوحي
يغني لي على نغمات ودي
ياليت ايديه تمتد لعيوني
وتمسح دمعة سالت بخدي
ياليته مابدا الهجران منه
أجازيه الوفا ويصير ضدي
ياليته ماسمع كلمات واشي
ياليته ما عزل حده وحدي
ياليته حس في قسوة ونيني
عرف لا وين حرمانه يودي
ياليته صار ليله مثل ليلى
ياليته عد مثلي يوم اعدي
ياليته عاش لحظه في عذابي
ثلاث سنين يبكي مايسدي
ياليت انه سمع دقات قلبي
تمسك بالأمل عيا يهدي
ياليته كل ما يقرا قصيده
يحس شلون بيحت سدي
ياليته كل ماغمض جفونه
لقا ماألقاه انا من ليل وجدي
ياليته يوم يوصل للحقيقه
يعرف انه خطا منه التحدي
ولكن ويش ينفعني التمني
مدام اللى بني لا ماه صدي
جداي اصفق يميني في يساري
واشيل هموم زادت فوق حدي
انا وش عاد اسوي في نصيبي
مدام الحظ قصر وش بيدي
انا لامن قريت اللى كتبته
عرفت القدر لى متصدي
اردد كلمتي واسمع صداها
تري اللى راح لايمكن يردي
رماني رميه الغدر
رماني رميه الغدر...
رماني رميه الغدر و**رني
ومن يصبر على **ر العظامي
ولاطحت وعسرني
ومعسور المحبه مايلامي
على حبه جبرته ماجبرني
وحجينا وحلينا الاحرامي
بعد هذا نظر عيني هجرني
ومن عقبه وانا جيعان ظامي
انا صابر على الفرقا
ضحيه المحبه والغرامي
ورا محبوب قلبي ماعذرني
وعذري ماتغير عن كلامي
وتبع الحب.......
صاب القلب وفك اللحامي
إلا يا زود كل الاعيان زرني
ولاابغي ياكود السلامي
غرامك يابعد روحي غمرني
ضيعت في نهاري وضلامي
سبب زولك إلا شفته سحرني
تدارك يا بو عربان سامي
لك اسمين والثالث ماحضرني
نسيته......الاسامي
انا مدري يوم ان الله نظرني
على حبك....الخيامي
منــــت على خبري
منــــت على خبري تغير بل حيل
ماهـو بقول الناس شوفت اعيوني
دمــــع حصل بل الواضح يزين تفديه
في عزتي لنفس هجرك يهوني
مثلت لي دور المحبين تمثيل
رح كمل المشوار الحين دوني
دام انت في لحضه قطعت المواصيل
بين الرجــاء والياس خابت ضنوني
شكيــت جرحن من سواياك لسهيل
لاشك نجم اسهيل زود شجوني
ما قلت يوم اقفيت ماطولك ياليل
مابيك دام الغير بك شاركوني
منــــته على خبري تغير بل حيل
ماهـو بقول الناس شوفت اعيوني
يقول الشمري...
يقول الشمري هرج الأمانه
نظرت الزين موضي الجبيني
لطيف الجسم هو احسن زمانه
عليه القلب ولهان حزيني
حبيب لي لطيف بالحنانه
وخده كالقمر ساعه يبيني
غرير ماشي في نصف شانه
ويرضيني ويزعل حاسديني
كتب لي خط وارسل لي عنانه
وحرف الميم في بيته سكيني
كتبت النون يوم ارسل بيانه
ودمع العين حبر العاشقيني
الا ياصاحبي ماهي مهانه
لاشك الناس دونك حايليني
صلاة الله على راعي الأمانه
نبي الله سيد المرسليني
مراكب ليل
دموع الحب وجروح الليالي
مراكب ليـــــــل مجروح القصيده
اترجم مابدالي في خيــــــــــــــــــالي
واضم الجــــــــــــــــــــــــــر
ح في دنياعنيده
من اســــــــــــــــــــــــــــــباب الهوى واعزتالي
جروحــــــــــــي في مدى روحــــــــــــــــــــــي عديده
الاياناس من شي جـــــــــــــــــــــــــرى لي
وقف دم المعنــــــــــــــــــــــــــــى في وريـده
اشوف الياس يســـــــــــــــــــــــــعى باغتيالي
يحطم كل لحظه لي ســــــــــــــــــعيده
عزاي العمر تاليــــــــــــه الزوالي
ثواني مستحيل انك تزيده
ياراعي المرسيدس
ياراعي المرسدس اشغلتلي فكري
والله ما اقدر على فرقاك انا ما اقدر
عذبتني ياحياتي وانت ماتدري
زولك إلي غاب عني كل ليله اسهر
الدمع من فوق خدي دايم يجري
مـاترحم الحال يافتان ياأسمر
حمام اللى تجر الصوت من بدري
بلغ سلامي على اللى وجنته تسحر
الوسط هايف معزل والشعر خمري
والخد والعين فيهن الخطر اكثر
مدري متي تسمح الايام انا مدري
اذكر سلوم المحبه كيف ماتذكر
ياذا الحمام
ياذا الحمام اللي سجع بلحون
وش بك على عيني تبكيهــــا
ذكرتني عصرمضى وفنون
قبلك دروب الغي ناسيهــــــا
اهلي يلوموني ولا يدرون
والنار تحرق رجل واطيهـــــــا
لا تطري الفرقى على المحزون
ما اداني الفرقى وطاريهــــــا
اربع بنا جر في يد المزيون
توه ضحي العيد شاريهــــــــا
عمره ثمان مع عشرمضمون
مشي الحمام الراعبي فيهـا
يامن يباصرني انا مفتون
روحي ترى فيها الذي فيهـــا
يامن يعاوني على الغليون
والدله الصفراء مراكيها
انتصر ياس حبي
انتصر ياس حبي وانتهي من رجايا
وابتدي الشك يظهر في خوافي ظنوني
الله يسامحك ماظنيت هذا جزايا
ليه تبكي عيوني يامضنة عيوني
احسب انك بدرب الود تمشي معايا
ليه تقسي عليه وانت قلبك حنوني
احسبك ما تصدق فى هواي الدعايا
يوم انا فيك ما صدق ولو يعذلوني
ليتني ما دريت ولا عرفت النهايا
مار هذا مقدر لازم انه يكوني
لا تقولون ياعذال ويش هالسوايا
انشدوا من بدا بالهجر لا تنشدوني
انشدوا من على صده تحطم هوايا
عقب ذيك الصداقه كن ما يعرفوني
صار حبي وحبك ياحبيبي روايا
مثلوها العواذل عن لقاك ابعدوني
دايم ارعي خيالك في صباح ومسايا
اذكر اسمك وانا اللى في هواك امغبوني
عط حنانك لغيري لا تسأل عن عنايا
خل ذكراك ليا وانتوا لا تذكروني
ياقمر وين نورك غاب واظلم سمايا
ليه سود الليالي تحول دونك ودوني
والله انه مصيبه من بيجبر عزايا
مار في عز نفسي كل شئ يهوني
قلت وين ربوعناقلت وين اربوعنا قالت سلو
كشرت في وجهي رمال عطاش
شالوا الدنيـــامعاهم وارحلوا
لاعلوم ولا ســـــــــلوم ولابقاش
مع جديد العصر والعيش الحلو
كل بدنياه في طيش ومعاش
قلت اهونك ياثرى ماهما فعلوا
عنك مايعلون انت اريح فراش
حضنك الباقي لهم مهما علوا
بس انا من دونهم مالي ولاش
عنك راحو بس بالقلب انزلوا
مثل ماينزل على الورد الفراش
من رحيق الحب شربوا وانهلوا
كل مافي خافقي واصبح نشاش
المصيبه ليتهم يوم ســـــــــــلوا
نشفوا قلبي ولا كـــــــنه جراش
لارماينا معا اهل الماضي دلوا
ولا خذينا معا اهل الحاضر نطاش
نيت للاحزان من عقب فرقاك
قصر طويل خالدٍ في حشايا
وطفيت شمعات الامل في ملا قاك
والله بموت الحب يجبر عزايا
مات الامل والقلب عامر بذكراك
ماعاد اميز ضحكتي من بكايا
ياما على ذكراك قبلت ماطاك
حبك بقلبي باقي له بقايا
يفداك عمرٍ وما بقي فيه يفداك
غير العذاب اللى كتبله نهايا
تفداك روح عاشت العام وياك
واليوم بعدك عايشن دون غايا
ياسعد قلب يوم يسمع بطرياك
ويردد اسمك ليت تسمع ندايا
تضحك لى الدنيا ليا صرت وياك
والى زعلت يغيب عني هنايا
قضيت عمري معك ياحلو لاماك
خط القدر بحبك احلى حكايا
ماجاك مني ما يضرك ويجفاك
غير الحنان اللى غمرك بهوايا
والله لو طول بي العمر ماأنساك
ولا اسمع بحبك من نقل لي وشايا
افترقنا عن بعض وقت الغروب
وابتدي صدري بعبراته يضيق
هالهموم اللى تجي من كل صوب
اشعلت داخل ضلوعي حريق
طال صمتي وابتدي صبري يذوب
وأنجرح قلبي على الجرح العتيق
عن كحيل العين لا يمكن اتوب
ماأحتمل فرفاه قلبي مايطيق
لكن اني صرت بالامر مغصوب
من سبب حاسد وقفلي بالطريق
ما سلك قلبي معه عوج الدروب
لكن الحاسد على الفرقي شفيق
آه لو الحب في كل القلوب
كان مايبعد عشيقٍ عن عشيق
ياونتي من سمعها حرم النوم
لا من طري قمت اتعبر ووني
لا من طري لى قمت انا اطيح واقوم
لولا ضلوعي يطير القلب مني
اخفي غلاه بخاطري وابعد الحوم
وانا عيوني بالخفي يسهرني
يامنيتي من شوفكم صرت محروم
يا بعدكم يا منية النفس عني
لا راح يوم قلت ابي اشوفك اليوم
طول الليالي عدهن عاتبني
متي يبي يصفي جوكم فوقه غيوم
متي الشموع الطافيه يشعلني
اسقيتني كاسٍ من الحب مسموم
انقذ حياتي يا حياتي وظني
يايو عيون ترمي القلب بسهوم
سلهم بهن لا من نوي يقتلني
لا يا قمر والناس من حولك نجوم
متي الغصون اليابسه يخضرني
كل شي راح في درب وسرى
الا شي في الحشى عياى يروح
ياوزين الروح ويش الي جرى
غبت عن عيني وخلفت الجروح
من جفاك العين جافاه الكرى
العرب تمسي وانا اسهر وانوح
مايطيب القلب جرحه ما برى
ما يطيب الجرح ما دامك شحووح
لي ثلاث اشهور محدن بي درى
اكتم العبرات ما بيها تبوح
العيون تهل والحال امبراء
والضلوع من الصبر قامت تلوح
تكفي الايام ترجعبي وراى
واتمنى ريحت الماضي تفوح
سادتيياهل الرياض
ياسادتي ياهل الرياض
مالي على الزين اعتراض
صافي حلا صافي بياض
والزين كلن يطلبه
بالله ياخلي الجميل
اعمل معايا المستحيل
شرح القضيه لي طويل
والشرح ماعرف اكتبه
هذي التحيه والسلام
لأهل المحبه والغرام
والفرخ من ذاك الحمام
يابخت منهو ينهبه
دايم وانا اشوفه يسير
لكن طريقه لي عسير
مثل الحمام الي يطير
ماكل واحد يقضبه
اهل المحبه صابرين
والله يعين الصابرين
هذي دروب العاشقين
بالحب دايم متعبه
ياهل تراهم سالمين
والظن ماهم سالمين
هم يحسبوهم غالبين
والحب محد يغلبه
كم غلط كم من صحيح
بين المعنا والمليح
كل بوده يستريح
لكن حبيبه يغصبه
احترت في رد الجواب
ليه التجني والعذاب
صابرعلى هذا العذاب
أبكوا معي يااهل القلوب المودا
أبكوا تراني مانفعني بكايا
إلى حبيبي ياناس ودا
معاد شفته يوم لبس العبايا
مبطي ماشفت عينه وخدا
قلبي مع المحبوب ماهو معايا
لولا الغلا مابيح القلب سدا
من شان وجه مثل وجه المرايا
كف يصافحبه وكف يمدا
كن يسوي به لقلبي دعايا
الله واكبر كل شي بضدا
حكايه العشاق ياهي حكايا
بين الرياض وبين مكه وجدا
والله ماادري وش بتصير النهايا
يوم استوى من ناعم العود قدا
خافوا عليه إلاتجيه الوصايا
لاواعذابي كل يوم يعدا
هذا بلا عيني وهذا شقايا
من هله يااهل القلوب المصدا
والله مااعطيكم عن اسم.....
خلوا صغير السن لااحد يردا
وإلا تراى بقدم عليكم شكايا
ومن بقا منكم نوقفه عند حدا
يقول منهو شاب بين الفنون
بالسوق شفت اللي جماله عجيب
مجروح انا من نظرته بالعيون
صوب سهابه لي وجرحي عطيب
تمشي رويد ارويد مشي الجفون
كنه على صوت الوتر لا تجيب
قلنا لهم يالزين تتشرفون
بازيارة في بيتنا يالحبيب
قالوا لنا العذال ليه ينظرون
لزم ان نزور البيت بعد المغيب
ارحم اسير الحب خلك حنون
انتو دوا للقلب احسن طبيب
كل اللذي تطلب علينا يهون
روحي بدالك يالحبيب النجيب
يا عزوتي للحال انتم ترون
ما ودي انك عن عيوني تغيب
قصدي اراكم قبل ماانسى فنون
حيث السفر يا صاحبي لك قريب
قبل اموت
قبل اموت ارجوك شارك وحدتي
وانتشلني من عذابي والضياع
ياشريك العمر خفف وحشتي
خل ليل الحب يطوينا بشعاع
همت بارض الله صعبه حالتي
بين شوق وحزن وهموم وصراع
جيتك احمل حب اسابق خطوتي
مثل ربان خفق فيه الشراع
تحت شمس الغيض طالت وقفتي
انتظر لحظة لقا فيها اجتماع
بين حضر وبدو شاعت قصتي
وانت غارق فى ملذات المتاع
كل حزن الكون بان بطلعتي
سائت احوالى بعد ذاك الوداع
شوف غريق الحب جاوب صرختي.
مبحرٍٍٍِ بالوجد مالى مستطاع
ياصاحبي دمعي على الخد ينهل
عيني عليك تنوح والقلب مجروح
المشكلة تمشكلت ما لها حل
وامصيبتي فرقاك يا متلف الروح
حالي براها الوجد تله تل
عيني سهرها ما كفاها عن النوح
يا قاتل العشاق بالطرف الاكحل
سيد العذارى كامل الزين مملوح
لحب غيرك باب قلبي مقفل
والروح لك يازين والقلب مفتوح
ياطير ياللي للمحبين ترسل
رسالتي للزين عساك وتروح
| أخر اخباري | | |
|
| |
العرض العادي
