شجن كل الحياة

أنا ماأنكر خدعتيني وغدرتيني وجرحتيني = ولكن عزتي تنكر وجودك داخل أعماقي

أنا ماجيت للدنيا على شانك تهينيني = أنا لي عزة ٍ ترقى بصيتي صهوة أشواقي

عى هونك أنا ماجيت لك راجع تذليني = رجعت أقول لك هاتي بقايا عفة أخلاقي

يموت الحب لامني ذكرت إنك غدرتيني = وينهار الخفوق اللي على عز الوفا باقي

رسمتي للغدر دمعه خذت مقيالها عيني = وطعنتي بالغدر روح ٍ تعانق وجه ميثاقي

شجن كل الحياة اللي لها ياشجون بعتيني = ألم كل الدروب اللي غزت بأحزانها احراقي

عن أذنك بابتعد وأرحل وماجاني يكفيني = بأعيشك حرف في الغربه ينازع داخل أوراقي

وأنا ماأنكر خدعتيني وغدرتيني وظلمتيني = ولكن عزتي تنكر وجودك داخل أعماقي