كلمات اغاني الفنان مزعل فرحان

اتركيني في بحر حبك ثوانـــــــي =يمكن اغرق يمكن اعبر في أمان
وان غرقت ونازع الأرواح جاني =جيت حولك احفر لقبري مكـــــان
وان حيت ومر بي عابر زماـــني =احضنيني بين عطفك والحنـــــان
انزعيني من مشاوير الأمانــــــي =لا تخليني فريسة للزمـــــــــــــان
حيث وقتي في خفى قربك رماني=ولا لقاني كيف قربك لي يبــــــان
أنت ترحم من جرى بالوقت عاني =تاركك لرضاك ما طاع الهـــــوان

آخر أمل بيني وبينك رميتـــــــــه=على صدر ســود الليالي وقفيـــت
أعاند إحساسي على اللي نويتــه=في كل خطوة التفت لين صديــــت
في ناضري صورة حبيب هويتـه=يثني عزم قلبي بكثر التناهيــــــت
كنه يعاتبني على اللي خذيتـــــــه=يقول لي في حبنا وش سويــــــت
وأقول في نفسـي ودادك نسيتـــه=يا ليتني في ما مضى ما تماديــت
أن عاش حلمك في حياتي لقيتــه=لا بد يرجع لي على ما تمنيــــــت
وان مات بدموع السعادة رثيتــه=الحي بين الناس أبقى من الميـت
اما قواني الوقت و إلا قويتـــــــه=ملزوم أوجه واقعي يوم قفــــيـت

مــا عــدت أنــا و لا أنـت عـــــــدت=ولا أنـــا مـــثل مــا أنـــا وأنـــــــــت
خطينا خطوة وبين الناس أنا تهــت=ورديت أصيح ما بي الدنيا إلا أنـــت
حنون وافي في طبوعك ولا زلـــــت =وصابر صبر أيوب ولا زلـــــــــــــت
وأن كنت أنا في خاطرك ما زلـــــــت =تبقى معي حبيب روحي وهو أنــــت
بعيني دمعتين وحزنت ورديت أصيــح=ارديت أصيح ما بي الدنيا إلا أنـــت
حبيب مخلص في ودادك مثل ما أنت=بعيش عمري كله أحبك ولا زلــــــت
ما خنتك والله ما خنت ورديت أصيح=تذكر قصة عشتها عمر أنا وأنــــــت
وأصيح بصوت يا حبيبي ليه مابنـت=وقلبي صعب ينساك ما دمــــــــــــت

خليني ارحل ما تفيد المعاذيـــــــــــر=ما تنفعك دمعة حزين بكاهـــــــــــــا
خليني ارحل مثل ما جيت بالخيـــــر=كم ضحكة تخفي دموعي وراهــــــا
ما عاد اواجه من بلاد المقاديــــــــر=دنيا عصتني ثم ادور رضاهــــــــــا
فكرت انا وش صار لي وش بيصير=وقت كتب قصة و وقت محاهــــــــا
ما فادني حب ولا فاد تقديـــــــــــــر=دمعة ويحرق وجه من حر ماهــــا
يا لاحق الا هي وهو لاحق غيــــــر=صده بصده وانقطع في رجاهـــــــا
واغيب عنك اوقات بواصب السيــر=عيني انعمت ما غيرك احد عماهـا
برحال وما ينكتب علي لازم يصيـر=واقدام رجلي متعبتني خطاهــــــــا

لاح الحزن في ليلة واجهر الشــــــوف==يبرق ويرعد بالنواظر سحابــــــــــــــه
بين النواظر صار بين ومكشـــــــــوف==في ساعة نوره وعد الركابــــــــــــــــة
في سبة اللي مات وعيوني تشــــــوف= فوق الصدر نزاع الارواح صابــــــــــه
جاه ونزع روحه وخذاها من الجـــوف= قــــدام عيــني راح مـنـي نـهـابـــــــــه
مات وترك راسه على الصدر منسوف=جــسـم بـلـيـا روح كـلـن درى بــــــــه
صار الحزن في خاطري يشهر سيوف=قطع خفوقي يــوم فصخ ثيابـــــــــــــه
فصخ وغسل ثم طيب وأنا اشــــــــوف=كفن ودمع عيني مثل وبل السحابـــــه
وعقب الفجر شلناه للعود منســـــــوف=على النعش ما يوحي اللي حكى بـــــه
ونزل بقبره بين الاعضاد ملفـــــــــوف=ومدد من حوله جميع القرابــــــــــــــه
حطيت لبنه تحت راسه مـن النــــــوح=فكيت عن وجهه بيدي حجابـــــــــــــه
صفوا عليه من اللبن عدة صفـــــــوف=خلطت مـن دمـعـات عـينـي تـرابــــــه
قاموا يهلون الرمل هل بكفــــــــــــوف=لين اندفن قبره ونصب نصابــــــــــــه
قمت اتعبر والعرب حولي وقـــــــــوف=حولي قبل قلبي تزايد عذابــــــــــــــــه
ذكرت ابوي اللي مع الناس مــــعروف=حسن التعامل والوفا والـــــــــــــوداده
امس يكلمني وينطق لي حـــــــــــروف=لـي مـن تـكلـم خـاطـر اهـتـنـا بـــــــــه
واليوم فارقني ورافقني الخــــــــــــوف=والقلب للهوجاس انهج بابــــــــــــــــه
ياليت موتي صار من قبل ما اشــــوف=ليته سطا بي واتركه ما سطــا بــــــــه
لا شك هذا الموت والموت مــــــعروف=لي جاء يسل الروح محد درابـــــــــــه

قالت حبيبي قلت أنا اليوم شفقــــــــــان=على الفراق اللي من العام ناويــــــــــه
قالت حرام افراقنا قلت من شــــــــــــان=انهي الغرام اللي كوتني لياليــــــــــــــه
قالت تريث يمكن تكون غلطــــــــــــــان=راجع قرارك قبل تصدر معانيــــــــــــــه
يمكن قرارك ماخذه وأنت زعـــــــــــلان=وقت الزعل ما تازن اللي تطريـــــــــــه
قلت ابعدي ما قلته اليوم ندمــــــــــــــان=بعدك مناي وقربك اليوم ما أبيــــــــــــه
وشفي غرامك غير ذل وحقـــــــــــــران=بالعكس فرح بالمفارق وراضيـــــــــــه
قالت غلاك اللي على غيرنا بــــــــــــان=وشلون بقدر يا عيوني اخافـــــــــــــــيه
الذنب ذنبك لا تجازين بإحســـــــــــــــان=بإحسان مثل فعل يمناك قاسيـــــــــــــــه
عيشي حياتك دوري غيري إنســــــــــان=من نفس طبعك يكفر القلب ما فيــــــــه
عيشي على الذكرى عسى دمع الأعيــان=يبين في مجرى خدودك مواريـــــــــــه

في موقفي خلك مجرد ثوانــــي=عش بعض ما عشتا ثواني ولحظات
وان كان قلبك في حياته نساني=ما تنفعك دمعا على شي قد فـــــــات
هذا خذا مني وهذا عطانــــــــي=هذاك يعطيني وذا قاليلي هــــــــــات
تدرين بانا العمر لو طال ثانـــي=و أنكرت لك ذات لكن حبيت لك ذات
هذا الكلام اللي يقوله لسانــــــي=أسير درب وكل عمري مسافــــــات
عزا أن الموت لو جاك جانـــــي=عزاه لو أنى الحب لو مت ما مـــات
ربي عطاني لك وعود خذانــــي=إنسان زاير كان له فيك نضــــــرات
حياته بقلبين لو قيل أنانــــــــــي=قلبن وقلب لو حب بسكـــــــــــــــات
مخلوق هونتي غرامه وهانـــــي=ما يوصلك بيديه هيهات هيهـــــــات
وما جبرتي خاطري في مكانــــي=ماني محتاجك ولا ضمن الأمـــــوات

تفكيرها في نفسها طول الأيــــــام =ما فكرت من عمرها يوم فينــــــي
بطرد ورى حلم لها غاب وانظـــام =على حسابي والثمن دوم عينـــــي
في حبها كني وليف للأوهــــــــــام=متعلق فيها وهي ما تبينـــــــــــــي
منها حياتي كلها الآم فــــــــي الآم=على مشارف فرحة تحترينـــــــــي
ترمي خطاها في مواعيد الأحــــلام=يا كثر ما تكذب علي في سنينـــــي
وارجع لها كلي غلا ما بي خصـــام=حبي لها زايد سبب ما يجينـــــــــي
ما ودي انهي عشرة دامت أعـــوام=وقت الفرحة والأمل في أيدينـــــــي

إحساسي أكبر من تجنيك ورضـاك=ياللي غديت بدنيتي شي عـــــــادي
علم يجيك ويوصلك ويتـــــــــعداك =ألبس على فرقاي ثوب الحـــــدادي
قدرت أحطم رغبتي وأتحــــــــــداك =ما عاد لك ذره غلا في فــــــــؤادي
قبل أمس أدور لك عذر وأترجــــاك =يومك ما بين الناس لهفة مــــرادي
ذقت العذاب ألوان من كثر جفـــواك=فضحتني ما بين كل العبــــــــــــادي
وضعي معك يا زين ما ضني يخفاك =منك غدا كوني بعيني ســــــــــوادي
واليوم قررت ابتعد عنك وأنســـــاك=جيتك من النسيان ميـــــــــت ودادي
خذ ذكرياتك انتهى عصر ذكـــــــراك =يومك غديت بدنيتي شي عــــــــادي

تعـــال قــدر وقفتي شوف لونـــــــــي=حتي تعــرف أني معـــك شفت الأتعـاب
لك وحشــــة عيت تفارق عيـــونــــــي=وان غبت كن الكــون في غيبتك غــاب
ياليـــــت قلبـــك مثل قلبي حنونـــــــــي=وانك تناظــر دمعتي بيــــــــن الأهــداب
أنا ادري أن دونك مسافة ودونــــــــــي=والشوق فينــي ماله أنهايـــة حســـــاب
احتاج أنا عونــك وتحتاج عونـــــــــــي=وان ضاق وقتك صرت أنا للفرج بـــاب
يالي غديت الكون في وسط كونـــــــــي=لجلك غديت وفرحتي كننــا أغــــــــراب
والله على ما قيل لجلك يهونــــــــــــــي=لو ماتوا أحباب ولو عاشوا أحــــبــــاب

كنت أحسبك حب و وفاء ليه ضني خطـــــــــــــاء=وأثاري بك ضني خطاء ليه ضني خطـــــــــــــــاء
كنت أحسبك شوق و وفاء تمشي معي كل الخطاء=يا للأسف خاب الأمل والضن خاب ياللأســـــــــف
خنجر غرسته بالحشى وشقيت به قاع الضميـــــر=دمع مشى جرح نزف لا لا يالوفا لا مايصيـــــــــر
تجرح عشير فيك ذاب لا لا فيــــــــــــــــــــــك ذاب=يالهفتي لا تظلم القلب القلب الحنــــــــــــــــــــــون
تهدم بيدك لذة الشوق وحلاه الشوق وحـــــــــــلاه=يا لوعتي لا تجرح الرمش الفتــــــــــــــــــــــــــون
خلــــه يداعـــب بالنظـــر شخــص هـــــــــــــــواك=لا تقتلـه هجـرك عنـا لا تقتلـه هجـرك عــــــــــذاب

لا تهرب باقيٍ عندي كــــــــلام =شايله في خاطري وقتٍ طويــل
اسمعه مني قبل ما انهي الغرام=فيه للحاضر من الماضي دليـــل
كلها كلمه عن أيام الهيــــــــــام =هات من وقتك ولو شيٍ قليـــــل
نفسي احكي قصتي لك بالتمـــام=يوم قلبي يتبع أشواقك ذليـــــــل
با ظهر اللي كاتمه يومي مضـام =و اعتبرني في اللقاء عابر سبيل
با بتعد في صمت عنك في سـلام=الوداع الحل ما غيره بديــــــــــل
دام حبك في نظر عيني حطــــــام =النهاية هجّت أبواب الرحيــــــــل
ليش أنا وإياك نسهر ما ننـــــــام =و ليش كلٍ من عناء صمته عليل