كلمات اغاني الفنان مزعل فرحان

سحرالعيون · 17 محرم 1431هـ, 05:21 صباحاً

البوم حبيب اول

تكفين

تكفين دامي قايل اليوم تكفيــــــــن =تكفين حني بالمشاعر عليــــــــــه
تكفي طفي من عنا البعد ناريـــــن =نار بقلبي ونار تلهف أيديـــــــــــه
ياللي عيونك ساحرتني من سنيـن=ياللي ابد ما يوم حسيت فيــــــــــه
تكفين زولي الهم عن قلب مسكين=تلعب به الآهات روحة وجيــــــــه
تكفين قولي انك اليوم تغليــــــــــن =شخص يحبك موت وأكثر شويــــه
يا آسرتني بقلب طيب ورمشيــــــن=يا ماخذه عقلي يا أحلى بنيــــــــــه
تكفين دام انك حياتي تعرفيــــــــــن =أن الأماني بالغلا فيني حيــــــــــــه

حبيب اول

للحين وانتي حبيبة عمـــــــــري الأول=لو صقروا الناس فيك وطولوا فينـــــي
غنت عصافير قلبي والحياة أجمــــــــل=لو ما حكيتي عيونك تحكي لعينـــــــــي
لا من نظرتي تكاسل رمشك الاكحــــــل=والا ابتسمتي نبت بلور يا حينـــــــــــي
فتنحت كل الدرايش والعطش حـــــــول=واتثاوب الليل قبل الصبح يمحينــــــــي
كل الفراغات تسألني وأنا اســــــــــــأل=عن أول احبابي وآخر محبينــــــــــــــي
يا هوسه العشق وردة عمرنا تذبـــــــل=وانا انتظر تشرق شموسك على سنيني
وان كان طولت الغيب العذاب اطــــــول=بيدك تموتي وبيديك تحينــــــــــــــــــــي
انا حبيبك عرفتيني حبيـــــــــــــــب اول=ورجعت لك ما معي غيرك يواسينــــــي

حزين انا ودمع

حزين أنا والدمع يحرق عيونــي=ما اعرف الفرحة وهذي حياتـــي
تزداد بي الاحزان وتكثر شجوني=لا من ذكرت اللي بها الفكر ياتـي
اللي عطيته كل شي ويخونـــــــي=لا ما يرد الدين سيد المهاتـــــــي
عقبة اشوف الوقت يرسم جنوني=من يوم ما قفى فقدت الثباتـــــــي
يدفن ربيع العمر خيب ضنونـــــي=يدفع ربيع العمر مع امنياتــــــــي
زود همومي واذبحتني طعونــــي=حتى عيوني ما تعرف المباتــــــي
الله حسيبه كيف عايش بدونــــــي=وانا الذي في البعد قرب مماتـــــي
القبر يا ربعي ترى لي يهونـــــــي=يمكن وانا ميت يحضر صلاتــــــي

ساكت وانا ادري (كذاب)

كذاب ولا تضحك عليه باقاويلـــــــــــــــك=عمر الهوى يا حبيبي ما تعب حالـــــــــك
ساكت وانا ادري عنك ولا ودي احكي لك=ابيك انا يا حبيبي تحقق آمالــــــــــــــــــك
دايم تحب الذل تبغاني ابكي لـــــــــــــــــك =شربت من غيضك وهمك وغربالـــــــــــك
يا ظالمي مقهور باموت من ويلــــــــــــك=وانت ولا همك ولا شي في بالـــــــــــــــك
والله لو الموت فيني فلا اجي لـــــــــــــــك=ابيك تذكرني اذا تعبت احوالـــــــــــــــــــك

سامحيني

سامحيني كان انا مخطي بحقــــــك=سامحيني لو بذر مني كــــــــــــلام
سامحي قلب عمر عايش يــــــودك =ما قدرت انساك حتى في المنــــــام
انا اكذب لو حلفت اني ما احبــــــك =ارحميني من عذابــــــــــــي والآلام
واحلف اني ما اجرحك دامي اعزك=غلطتي غلطه برئه يا حــــــــــــرام
لا انا ما اقدر اعيش الا بقربــــــــك =طالب منك الرضا وابغى الســــــلام
يا حبيبة خاطري مخطي بحقـــــــك =اعتذر يومي جرحتك بالكـــــــــــلام

ياخي ياخي

يـاخـي يـاخــي يــوم انـك نــويــت أنــك تـبـتـــــعد=ليــه مـــا قـلــت يعـنــي بـجـبــرك لا حـشـــــا والله
شف يـا عزيزي أنا مكذب بكيت من أجل الغــــــلا=الله يــــســـعـــدك بــبــعــــد وبـــهجــرك والله والله
حكم المحبة لك يا ما عطيت وانـت مـا بنيــــــــــت=تهجـر وتمشـي والآن عـاذرك انـا لــــــــــــــي الله
خل اللي حكا لك صدقته وبغيت ومن قربي انتهيت=يوفي ويصدق ويخلص ما يغدرك بنشوف يــــــالله
ولما تذكر لك صاحب وجيت وسلمت وبكيــــــــــت=بقول كلمة واروح واحكرك ذا الــعــز كــلــــــــــــه

وش اسوي (كل ماسليت)

كل ما سليت بين أهلي والخـــــــــلان=جاورتني جروحي وحاصرتنـــــــــــي
ولا سمعت صوت الوتر والكل سمران=فضحتني دموعي وأحرجتنـــــــــــــي
وش أسوي بقلب كله أحـــــــــــــــزان =احرم النوم عيني وعذبتنــــــــــــــــي
لا اقدر اشكي ولا اقدر أبوح لإنســــان=اكتم جروح قلبي اللي صوبتنــــــــــي
الله اللي بلاني طول الأزمـــــــــــــــان =دارت بي الدنيا أنا وأتعبتنـــــــــــــــي
حيران ولا ادري أنا ليه حيـــــــــــران=كثرة عليه همومي وغالطتنـــــــــــــي
ما شفت أنا إنسان مثلي عاش تعبــان =بضلي ابكي هموم تاعبتنـــــــــــــــــي
مشيت في الدنيا وان دوم هيمـــــــــان =متعبتني همومي ومعاندتنــــــــــــــــي

عوضني الله

عوضني الله بفراقها خيــــــــــر =ارتحت من دنيا الأسى والكئابه
لقيت محبوبه في طبعها غيـــــر =تقدم الكلمة بعطف وذرابــــــــه
سنين متحمل بموت بطيــــــــــر=مالي جدا يا ناس غير الكتابـــه
لا قلت يا بنت تقول لي خيـــــــر =غريبة ترى الاطباع فيها غرابه
مشاكلي معها تشيع بكثيــــــــــر=ولا قلت قلتي له بالي درى بـــه
لما تشوف الناس تتمسكن كثيـر =مجرحتني بين كل القرابــــــــــه
والآن انا مرتاح اعيش في خير =ارتاح قلبي من همومه وعذبــه

البوم تحياتي

الوداع

الوداع وكل يوم اذكريني =ولامن ذكرتيني تمسي على خير
تذكري اني ابيك وتبيني=واتذكري للاسف فراقتنا غير
وادري ترى لو طولت بي سنيني =اني فلا انسى حب ساكني صغير
معقولة انسى حب واضح في عيني =وان غمضت عيني تحفظة عن الغير
حبك في دمي حب فيك وفيني =وحبك في دمي حب من دون تبرير
وان مت قبلك سامحي وحلليني =وغصب علي ابعد وهذي المقادير

انا بنتظر

موني علي واتدللي وقولي احبك=موني علي يا دنيتي من كل قلبك
وانا بنتظر ...طول العمر ....انا بنتظر
ردي علي واتجملي وبستنا ردك =مهما يكون ردك علي بمشي بدربك
وانا بنتظر ...طول العمر ....انا بنتظر
من شافتك عيني وانا ودي بقربك =ابكي وانوح وفيني جروح دواها يدك
وانا بنتظر ...طول العمر ...انا بنتظر
يالله تال الليل طال وافق بربك =لا تردني وقول انتا لي بجلس بجنبك
وانابنتظر ....طول العمر .....انا بنتظر

تحياتي

تحياتي لمن دمر حياتي =وخل القلب سارح في همومه
كثيرة جروح تملا ذكرياتي =تنوم الليل ليلي ماانومه
ذكرتك ناسي الذكرى بذاتي =ساهر الليل تشهدلي نجومه
ابي افرح هذي امنياتي =والاقي الحزن لبسني هدومه
تساوين اي واحد يا غلاتي=يحظ قلبك عايش يومه
احسبك في الظروف انتي عصاتي =والى ضامت لي الدنيا رحومه
تحياتي لمن دمر حياتي=وخل القلب سارح في همومه
كثير جروح تملا ذكرياتي =تنوم الليل وليلي ما انومه

ثوب الحزن

توي دريت ان الزمن صار ضدي =مسكين قلب يمضي الوقت ضده
لبستني ثوب الحزن صار قدي =بيني انا والضحك صارلي مده
صبري وصل حده وانافي تحدي=الايام تمضي والايام بشده
درب السعاده صار عني يصدي =وشلون يسلى من ظروفه تحده
في كل يوم دمعتي فوق خدي=يارب ترحم من دموعه في خده

كيف اخونك

كيف اخونك ..كيف اخونك ..كيف اخونك =كيف اخونك والبشر حولك ودونك
ياحبيبي من يقول اني باخونك=يا عسى من فكر يخونك فداك
كيف اخونك ..كيف اخونك والبشر حولك ودونك=كل واحد طامع يطلب رضاك
لو دريت ان في غيرك يشبهونك=خنت لكن ماحد في مستواك
لاوربي ..لاوربي مستحيل اعشق بدونك =لانك بقلبي وفي عيني ملاك
كف عنك النظره اللي في عيونك =نظرتك والله تسبب لي ارتباك
ادري ماسوى كذا الا بيبعدونك =مادروا ان البعد يعني هلاك
خلك اذكى ..منهم ولا يخدعونك=وان تكرر حكيهم خله وراك

مدري

مدري علي ترهين دمعك وتبكين=والا على مافات لك من زمانك
والا على الاثنين قوليلي الاثنين=والا عشان الحب قصر وخانك
بكيت ليل البارحة وانتي والعين =بعيدة وعني بعيد مكانك
بكيت والدنيا مثل ما تقولين=لحظات وانتي ما يخونك لسانك
هربانه الشكوى وهربانه لوين=وانا الذي ضاعت سنيني عشانك
مستقبلي ماهو لازم تهزيين =كنت لك اجوف قبل ماارخي عنانك
تعبت اسافر لك واجيك وتروحين =صرتي غدير وصرت ضامي حنانك
مثل القمر والليل مقسوم نصفين =نصف تخافينه ونصف امانك
ما غير اشوفك شوف لو ما تشوفين =واوقت الساعة وقلبي زمانك

مستحيل

مستحيل الحب يجمعنا سوى=مستحيل اللي مضى يمكن يعود
بعدما بعتك وحاربت الهوى=بعدما طاوعت بي قول الحسود
مستحيل اليوم نرجع ..مستحيل=مات ذاك الحب واعلنت الرحيل
وش لقيت منك انا غير الجراح =ما لقيت الا اكاذيب وغدر
خنتني بقلبي وترجيني السماح=لي متى مليت انا منك العذر
انتهينا وانتهى ذاك الغرام=جفت دموعي ولا اقوى الكلام
بابتعد وانسى باني لك حبيب=قالها قلبي ولا انوي الرجوع
من حياتك ناظري نجومي تغيب=وانطفت في حبنا كل الشموع
للاسف كل الغلا والشوق ضاع =ما بقى لك غير كلمات الوداع

ياحبيبي

يا حبيبي هو كلامي يشغلك =او كلامي فيك كثرة مايفيد
انت الى اخرك مثل اولك =مابقالي وجه ابدأ من جديد
بسألك مشتاق مشاق اسألك =لي متى تبقى عن عيوني بعيد
هو انا ليمن تعبت استاهلك =او انا شاعر تحبة في القصيد
في عيونك مملكة حسن وملك =وفي خدودك نار للعشاق تبيد
كم حزين في مواعيدك هلك =لين صرت لكل من حبوك سيد
ظالمي في ظلم قلبي ما اعدلك=كل ما فكيت قيد تحط قيد
الفرح ذكرني في مستقبلك =والبكا نساني ان غيري سعيد

البوم شرعوها

وش سوات الحزن(نجم)

نجم يا نجمتي قفى وش سوات الحزيــــن =وش سوات الجريح اللي شكى حيرتـــــــه
وش سوات المولع في جرح دفيــــــــــــن =من سبايب خليل بالحشى ديرتــــــــــــــــه
يا عذابي اللي جاء لي في الصدر مستكين=منه فكري تقدر وزادته حيرتــــــــــــــــــه
ان بغيت اتسلى كيف ابنسى الحنيــــــــــن =كيف ابنسى غرامه وشوفته وعشرتــــــه
وان كتمت الشكاوي دمع عيني يبيــــــــن =فوق خدي تنثر ما ملا عبرتـــــــــــــــــــه
وان طلبت المفارق ما فزع لي عويـــــــن=لا عيوني ولا قلبي نسوا سيرتـــــــــــــــه
حيرتي عذبت قلب له اصبه له عويـــــــن =وش اسوي بقلب علته غيرتــــــــــــــــــه

الليلة الجميلة

غنوا معي كل ليلة الليلة ليلة جميلـــــــــــه=أبو العيون الكحيلة اللي غرامه سبانـــــــي
شفته وشد انتباهي ومن حقي افرح وأباهي=زينه على الناس زاهي ومصقره في زماني
شف القمر منه حاير وقف يناظر وغايـــــــر =نفسه يرد البشاير في طلعته يوم جانـــــــي
شف الأمل في قدوم غرد ولحد يلومــــــــــه=عندي بقايا علومه تفسيرها في حنانـــــــي

احب اكره

تبيني أسكت عن خطاياك وأشــــوف=حبك بعيني واتحاشاه كلـــــــــــــــــه
معقول ترضى عبرتي تحرق الجوف=وأنت تحاسبني على كل زلـــــــــــــه
لا ما تغاضى والخطاء منك مكشوف=من ذلني ملزوم والله لذلــــــــــــــــه
أنا بشر مثلك لي أحساس وأشـــوف=أحب واكره و الزعل عنك خلـــــــــه
منيب مكلوف ولانتب مكلـــــــــــوف =سيف التمادي بالهوى لا تسلـــــــــه
العشرة اللي كلها خوف في خــــوف =باردها دمع وذكرى وعلـــــــــــــــــه
اللي حرمه الله من نعمة الشــــــوف=قلبه بعد فقدان شوفه يدلــــــــــــــــه

لاتبتعد عني

تيغى فراقي يا حبيبي وأنا أبيــــــــــك=بسباب عاذل قال فيني حكايـــــــــــــه
مقدر على بعدك ولا نيب ناسيـــــــــك=وانته حبيب القلب وانته منايــــــــــه
لا تبتعد عني عسى الله يخليــــــــــــك=من غيرك الدنيا شقايه حنايــــــــــــه
أسمع ندى الولهان اسمع محاكيـــــك=أرجوك حقق يا حياتي رجايــــــــــــه
اللي حكالك يا حياتي حكى فيــــــــــك=ولا لا توصل حبنا للنهايــــــــــــــــــه
ناظر دموعي فوق خدي تناجيــــــــك=تكتب ملامح قصتي من اسايـــــــــــه
فيها عذاب واقف اللي تناديــــــــــــك=لا لا تزيد النار داخل حشايــــــــــــــه
بالعمر كله يا هوى البال شاريــــــــك=وانته مصر اليوم تنسى هوايــــــــــه
وان كان بعدي يا هوى البال يرضيك =ابعد واببعد ربي يجبر عزايـــــــــــــه

شرعوها

شرعوها لابسه ثوب الزفــــــاف =دمعها حاير يعانق وجنهــــــــــــا
ذابت البسمة على شط الضفــاف=واختفى حلم السعادة عنهــــــــــا
بعد ريعان الصبا حل الجفــــــاف=والألم شوّه ملامح حسنهــــــــــا
نافله بالزين كله و العفــــــــــاف=ما بلغ عشرين عامٍ سنهـــــــــــا
زاد أبوها بيننا نار الخـــــــــلاف=للأسف قرر و خيّب ظنهـــــــــــا
ناظرتني يوم همت بانصـــــراف=عن عيون الناس تخفي حزنهـــا
ما قوت تنطق كلمه لي تخــــاف=من العريس اللي تولّى سجنهـــا
وانكسر قلبي و صوّت بارتجاف=ما ذبحني كود دمعة عينهــــــــا
واللقاء من بيننا آخر مطــــــاف=ودعت محبوبتي مجنونهـــــــــا

قدر ظروفي

جيتك تشيل الهم من وسط قلبي=حسب الغلا جيتك وقدّر ظروفي
شوف الحزن والهم فيني لعبّي=يازين حلمي ماتشيله كتوفي
قدّر ظروفي وخاف يازين ربي=وانظر في حالي خلْ عينك تشوفي
ياخلْ جاني بسبّتك ماعثربي=من كثر مسّهر راح يازين شوفي
لارحت قبله هاجسي فيك شمّلْبي=وإن جيت أبمشي شرق يزداد خوفي
جيتك مسيّر واثق إنك بدربي=واللّي يحب حبيبه دوم يوفي
من غبت عن عيني وطيفك شكلبي=وأسهر وأمسح دمعتي في كفوفي
أفرح كثير لانظرتك بجنبي=وأنسى ليالي عشتها في كسوفي
هذا دليلي مظهرٍ صدق حبي=نارٍ مثل بركان في وسك جوفي

البوم الجواب المستحيل

الهجر

أنتي بديتي بالهجر وانتهيتــــــــــي=وما عاد تجمعني ابد فيك الأقــــــدار
ولوني بدربي ماشي ثم جيتــــــــي=عهد علي لا اصد وأغض الانضـــار
هذا جزاك اليوم يومك بديتـــــــــــي=حب جرى وياك ما كنه لي صــــــار
لا ما معي في الحب يا ما عطيتـــي=ما نيب ظالم خافق فيه محتــــــــــار
وأشكرك يوم انك ودك وفيتـــــــــي=ذكرى جرت ما بيننا اليوم تنهــــــار
مبروك ومن عمري تراك اختفيتــي=وان كان لي خاطر تحفظين الأسرار
ما نيب نادم بحب طويتـــــــــــــــي=صفحات ماضي لأشعل ما به نــــــار
يكفي زمان راح اللي خذيتــــــــــي=قلبي وتفكير على كف الأخطـــــــــار
ودار الزمان وهد قصر بنيتـــــــــي=ما عاد له في عالم الحب تذكــــــــار
هي حالتي الدنيا ولو ما رضيتــــي=ملزوم أنسى يا قمر بين الأقمــــــــار
اببتعد عنك ولو ما نسيتــــــــــــــي =هذا قراري ولا تقولين وش صـــــار

الجواب المستحيل

تطلبي مني الجواب المستحيــــــل=مستحيل اجاوبك طول السنيــــــن
كل ليل حاير ليلي طويـــــــــــــــل=من سألتيني عن الحب الدفيـــــــن
لو وصفت الحب ابوصف لك قليل=لو وصفته ما اضنك تقنعيــــــــــن
عادة العاشق سهير كل ليـــــــــــل=اسألي ليلي يجاوبك الحنيـــــــــــن
القناعة تشفي جروح العليــــــــــل=يا نغم في عود يطرب سامعيــــــن
لا تعيبي في الجواب المستحيــــــل=أنتي أدرى وأنتي سيد العارفيـــــن

اهل الملامه

أهل الملامة بالحكي عذبونـــــــــــي=وأنت مع العذال تكفخ كما الطيــــــر
ما قد تمنيت العما في عيونــــــــــي=إلا لجل ما أشوف زولك مع الغيــــر
لجلك تعمت السفر وافهمونــــــــــي=عشان ما اسمع منك سيف المعاذيـر
لي شفت بعض الناس دونك ودوني=أصيح من زود القهر كني صغيــــــر
الراس شاب وغير الوقت لونـــــــي=والقلب ذاب ولوعته المقاديــــــــــــر
منك السموحه لو سمعت بجنونــــي=أن طولت شكواه يلقى المخاسيـــــــر
العام الأول منك هاضت شجونــــــي=أشغلتني حب وعواطف وتقديــــــــــر
والعام هذا منك خافت ضنونــــــــــي=عليك من بعض المخاليق تأثيــــــــــر
حاولت احل رموزها وأحرجونــــــي=كن على الله ما حصل منك تفسيـــــر
ابكي زمان فات قلبك حنونـــــــــــــي=وارجعي على الله تالية وضعنا خيــــر

تعذيب الضمير

واجه الواقع ترى مالك مفــــــــــر =ما يردك دمع تعذيب الضميـــــــــر
وأعلن الفرقا على كل البشـــــــــر=خل عدوانك من الفرحة تطيــــــــر
واحفر لحب مضى بيدك قبــــــــــر=وادفنه واذكر ليالينا بخيــــــــــــــر
وعزي نفسك وامسك عنان الصبر=رش قبر الحب بدموع النظيـــــــــر
لا تندم لا تكابر في الخبــــــــــــــــر=خل كل الناس تعرف وش يصيـــــر
قلهم وش صار في فايت شهــــــــر =قلهم حبل الكذب عمره قصيــــــــــر
برر الموقف على سكة سفــــــــــــر=عش حياتك واذكر الحب الكبيــــــــر
وان دعاك الشوق في ليل السهـــــر =واصل المشوار لا لا تستخيــــــــــــر

تصور لك

تصور لك حبيب غالي تصــــــــــــــــــــور لـك=ولا تدري عن أخباره ولا تـــــــــــــــــــــــدري
مثل ما صار في حالي حبيبي وينها ديـــــــاره=اويلاها ....اويلاها
سواليف ناس واسمعها مع اللي ساكنين الحي=حقيقة ودي امنعها ولكي ما بيدي شــــــــــــي
إذا طروه قدامي أعيش الجرح وأتألـــــــــــــــم=عذابي ضاعت أحلامي كلام الناس ما يرحـــــم
ظلام ومركب الأحلام في بحر الشوق يلعب بـك=يدز الموجة الموجة ويصرخ بينهن قلبـــــــــي

ما يعاد نسيانك

حاولت ما أكذب عليك أنساك=ونـسيـتي عــاد نـسـيـــــــانك
فـي كـل يـوم تـجـي ذكــــراك=وأهــل دمـعـي علـى شـانـــك
أبـعـتـرف لـك بسـر أهــــواك=مـقـدر عـلـى يـوم هـجـرانــك
عينـي تـأمـل فـرح لـقيــــــاك=تـعـالـي لـي طـف نـيـرانـــــك
واشري بعمري معك رضــاك=وارمي الزعل فوق حرمانــك
واشعر بكوني انا ويــــــــــاك=لي ضمني عطف وجدانــــــك

أضحك وابكي

بغيت اضحك بغيت ابكي وكيف اجمع الثنتين=تـرى صعـب اجمـع بيـن ضحكاتـي ودمعـاتي
إذا ذكـرت عصـر فـات وأيام مضـت وسنـيـن=ترى دمعي على خدي وغصـب أهـل عبراتـي
ترى قلبي غريق الحـب حزيـن هايـم مسكيـن=يحاول يرسم الضحكـة أو يكتـم كـل حسراتـي
أحــاول امـنـع الكلـمـة أبتكلــم بلـفـظ الـعـيـن=لعل الخل يشفـع لـي الـى مـن شـاف نظراتـي
إذا نظرت له قدام مسحت الدمع مـن الخديـن=افرح خاطر مكسـور وأخفـف بعـض لوعاتـي
ولـكـن واقـعـي أشـــرق وزاح عـنــي الـبـيـن=وصارت حسرتي ذكراه نساها عصر بسماتي
وعشت الحاضر بفرحه غدا وقتي بعيني زين=سبايب فرحتـي خلـي مسـح مـن قلبـي آهاتـي

حرام الظلم

ظلمتيني يا روحي في غيابـــي=حكمتي يا بعد عمري عليـــــــه
حرام الظلم يا زهرة شبابــــــي=ترى روحي بعد ظلمك شقيــــه
عذابي منك والله يا عذابـــــــي=باشيل الظلم منك والأذيـــــــــه
ياليت تقول منهو اللي حكا بي=ترى الصدمة على قلبي قويــه
ابرسل يا بعد عمري كتابـــــي=تعرف اللي جرى ليه عليــــــه

سراب

اكرمي يالي تقهوني العــــــــــــذاب=هاك فنجالك وشيلي دلتـــــــــــــــك
من خداعك ارتوى قلبي وتــــــــاب =اشرب حب بقى من علتــــــــــــــك
الشباب اقفى وطفل الامس شــــاب=والاماني حطمتها زلتـــــــــــــــــك
في غرامك طل بعيوني ضبـــــــاب=وانتهى عمري وانا اجهل ملتــــك
عشت تايه جاهل اطرد ســـــــراب =يوم عيدي كان لحظة طلتــــــــــك
يا خسارة كيف ضني في خــــــاب=كيف طافتني خوافي حيرتـــــــــك
وش بقى لا صار ما فاد العتــــاب=كود اغادر قبل احيك حلتـــــــــــك
عنك ابرحل دام ذا عيني الصواب =هاك فنجالك وشيلي دلتـــــــــــــك

معجب بلونك

ذبت انا من نظرة عيونـــــك=يا حلاك انته ونظراتـــــــــك
من حلاوتها يطرونـــــــــــك=زود في نظرة بسماتـــــــــك
فوق هذا معجب بلونـــــــــك=والدلع زايد بخطواتـــــــــــك
لي مشيت امشي على هونك=واقصر الخطوة في مشياتـك
خوفي العالم يحسدونـــــــــك=وتهل العين دمعاتــــــــــــــك

العيون السود

كل العيون تخون لو تدعي الأشـــــــــواق=كل العيون تغيب والليل والقمـــــــــــــــره
كل العيون دموع تكذب على العشــــــــاق =تحلف برب الكون والنور و الفجــــــــــره
ضاع الدفاء بالبرد والليل بالإشــــــــــراق =ما هو القصيد إنسان بدمعته جمـــــــــــره
كل العيون السود ما تعرف المشتـــــــــاق=كل العيون السود في ودها قــــــــــــــــدره
ما كنت احسب الوصل ياتي وراه أفــــراق=ما كنت احسب المطر هو بالأصل قطـــــره
ما كنت اضن الحزن يسكن ضماء الأوراق=لما هقيت السر لابد له جهـــــــــــــــــــــره
علمني الإحساس في داخل الأعمــــــــــاق=لا تأمن لعين فيها البكى مجـــــــــــــــــــره

احرقونا

أحرقونا الناس من كثر الكـــــــلام =سيرتي وياك عيت تنقطــــــــــــــع
أسمع الهرجة ولا أعطيها اهتمــام =بس لا جت سيرتك غصب أندمــع
أحترق في صمت في شوق وهيام =ودي أدافــع ولــكن امتنــــــــــــــع
خايف اكشف سر حب العمـــر دام =يعرفون لو طاح علي الربــــــــــع
يا عذابي من الحكي وشلون أنــام =ما ني راضي به ولا ني مقتنــــــع
صارت أيامي مثل ليل ظـــــــــلام=بسبب عذالي وروني الولـــــــــــع
كن محد منهم حب بغــــــــــــــرام =اللي ما جرب يجرب يقتنــــــــــــع
وبطلوا يا ناس جوزوا من الكـلام =خلوا كل(ن) مع حبيبة يجتمـــــــع

سحرالعيون · 18 محرم 1431هـ, 03:27 صباحاً

البوم ارمي البرقع

تبي الصراحه

تبي الصراحة بعد ما رحت مرتــــــاح=لا دمعة هلت ولا ضاق بالــــــــــــــي
ما قد بكت عيني على غالـــــــي راح=ما اطرد ورى المقفي لو كان غالـــي
اعزي نفسي والصبر عندي ســــلاح=ولا التفت ساعة على اللي مضالــــي
اخفي سواليف الغلا بيــــــن الأرواح=في دمعتي في ضحكتي في خيالـــــي
وش عاد قلبي لو غدى نصفه جراح =والنصف الآخر في أيدينك ليالـــــــي
تمضي حياتي بين ساكن ونـــــــزاح=والعمر يمضي بين مر وحالــــــــــي
أشوف كل الكون في عيوني أفــراح=ولو أن عمري في أيدين الزوالـــــي
أقولها يا ناس الحب فضــــــــــــــاح =كم واحد دارت عليه الليالــــــــــــــي

ارمي البرقع

أرمي البرقع مابي غيري يشـــــوف=العيون اللي بها سحر القلــــــــــوب
والبسي الشيله على الوجه العطوف =يكفي أني منك في عيونـــــــك أذوب
اجمعي شعرك على متن الكتــــــوف =لا تخلينه يطير من الهبــــــــــــــوب
يجرح خدود أملها بالشفــــــــــــوف=عنها لا يمكن الناظر يتــــــــــــــوب
ياحبيبه خاطري سوي معــــــــروف=غيرتي تكبر على كل الـــــــــــدروب
القلق في رغبة إحساسي يطــــــوف =صدقيني رافض أفكار الهــــــــــروب
لك عيون ما توصف بالوصـــــــوف=ما جنيتي منها غير الذنــــــــــــــوب

ناديت بصوت

ناديت بالصوت مجروح ولا جيتــــي=ولا سمعتي مراسيل الوله فينـــــــــي
ردك غرورك تغاضيتي وصديتـــــــي=عني وكنك بيوم به هويتينـــــــــــــي
معقول يا نظرة احلامي تناسيتـــــــي=حب في روحي وسره في نظر عيني
لك حق وانا سبب لي منك اخطيتـــي =دللتك اكثر من الازم وبعتينــــــــــــي
عذروبي اني معط طيب تماديتـــــــي=على دروب التجافي ما عرفتينـــــــي
كم واحد في دروب الحب حبيتـــــــي=يا جاهله عزه الخاطر تنسينـــــــــــي
روحي ترى خاطري معك لي اقفيتـي =خلي دموع الوفا عقبك تعزينــــــــــي

لازم الهجر(اشتكي الوحده)

اشتكي الوحدة وهموم السنيـن=واشتكي ظلم الدهر ويا العـذاب
أنظلمت في دنيتي الله يعيــــــن=ربي يعين اللي تعذب ليــن ذاب
الظروف القاسية عيت تزيـــــن=أندمر عمري وأنا توني شبــاب
آه يا الدنيا في قلبي أنيـــــــــــن=كل شي بداخلي يبكي مصـــــاب
كل ما هانت علي ترجع تشيـــن=بس أهونها لين الراس يشـــاب
إلا من ضر حق يبكي سنيــــــن=ليش يا دنياي صرتي لي كتــاب
اشتكي للناس أدور لي عويــــن=محتاج سند لي ومستني جــواب
واستمــرت وحدتي احكي لميــن=لازم أهاجر وأطول في الغيــــاب

مليت انا الغربه(شوفك يريحني)

شوفك يرحني وترتاح عينـــــــــي=لي من نظرتك يا حياتي قبالـــــــي
نظرة عيونك بالعطف تحتوينــــــي=وان هلت دموعك سهرت الليالـــي
حب الجنون في داخلي عاش فيني =ومن اجل حبك سبت انا كل غالــي
امشي بخطر ما همني وش يجيني =عمره تخيل صورتك وسط بالـــــي
جيتك من بلادي وفا حس فينــــــي=وكلي امل في شوفتك يا امالـــــــي
تضحك لك الايام وابكي سنينـــــــي=وانت تعيش بعيد عني وسالــــــــي
واليوم يومي جيت لك قدرينــــــــي=مليت انا الغربة ومليت حالــــــــــي

لي متى ارجوك

لي متى ارجوك طولت الغيــــــــــــاب=لي متى ارجوك ابكي عليــــــــــــــــك
اتحرى منك كلمة في جـــــــــــــــواب=يا شريكي في حياتي محتريــــــــــــك
من فراقك صارت ايامي اكتئـــــــــاب=ضاقت الدنيا على اللي يرتجيـــــــــك
صرت حكوى في شفا كل الشبـــــاب=ما تخاف العاقبة من الله تجيــــــــــك
كل ما امشي درب اشوفك لي سراب =ليش ما ترجع على قلب يبـــــــــــيك
مبتعد عني وانا منك مصـــــــــــــاب=مهما غبت اليوم عني فيك فيـــــــــك
ونلتقي وانسى سنين من العــــــذاب=وقس حرارة دمعتي لي جت يديــــك

البوم عطرك كسرته

ارمي الزعل

يا بنت أنا جيت لك ولهــــــــــان =مشتاق لك ليش زعلانـــــــــــــه
ارمي الزعل عوذي من الشيطان =عيني على الوصل ولهانــــــــــه
هيا اضحكي انسي الأحـــــــــزان =الحب لفتني اردانـــــــــــــــــــــه
الحب نعمة على الإنســــــــــــان =كل تعذب على شانـــــــــــــــــــه
حرام نبكي من الوجــــــــــــــدان =شوق الغلا هج بيبانــــــــــــــــه
والشوق في خافقي نيــــــــــران=يبكي على أيام وجدانــــــــــــــه
أنتي سحابة أمل ولهــــــــــــــان =اللي عسى تنبت أغصانــــــــــه
الموت أهون من النسيـــــــــــان =والحب يا صعب نسيانــــــــــــه

البكى راحه

كلٍ يقول أن البكى فيه راحــــــــه=و أنا بكيت اليوم لعلي ارتــــــــــــاح
بكيت من قلبٍ تزايد جراحـــــــــه=بكيت بكي اللي بكى يوم الأفــــــراح
حتى رفع دمعي لعيني سلاحـــــه=و أنا احسب إن الدمع لعيوني سلاح
في ليلي اللي ما ظهر لي صباحه=و همومي اللي عيّت اليوم تنـــــزاح
عمري محطه للعنا و أستراحـــه=دنياي عتمه كلها بعيني أشبــــــــاح
كني غريقٍ ما يجيد السباحـــــــه=يصرخ و لا حوله من الناس سبـاح
يشوف موته ما يفيده صياحـــــه=في غبـّه تلعب بها الريح لي طـــاح

أنادي بذكراك

وين الكلام اللي تقوله مـــــــــن أول =اللي حياتك كل شي في دنيـــــــــــاك
ولا كلام الأمس عندك تحـــــــــــــول =طبعك تغير غير الوقت مبــــــــــــداك
صبرت نفسي لكن الصبر طــــــــــول=أبيك تشعر بي وكثرة خطايــــــــــــاك
نسيتي وأشواق حبك تجــــــــــــــــول=في إحساس اللي ربته يكسب رضـاك
يا نور عيني طيفك الي يـــــــــــــزول=في عيوني اللي تنتظر نور لقيـــــــاك
تعال يمي والجفا لا يطـــــــــــــــــــول=عمري ترى محسوب لي صرت وياك
وانقض غريق في غبة البحر حـــــول=من كثرة أشواقه ينادي بذكـــــــــــراك

عطرك كسرته

عطرك كسرته وخاتمك طاح بالقاع=ما بي هدايا دام جرحك وراهــــــــا
ما بي هدايا شايله كل الاوجـــــــاع=هديتك جرح الزمان اشتكاهــــــــــا
صوتك رفته لو ملا كل الاسمـــــاع=سمعي حروفك عافها ما بغاهـــــــا
ارحل و ودع من غدى منك ملتـاع =حملت قلبه حسرته ما قواهــــــــــا
حطمتني في الحب بشوق خـــــداع=صدق خفوقي لهفة واحتواهــــــــا
خليتني مركب محطم بالاشـــــــراع=هديتك جمرة خفوقي وطاهـــــــــــا

لاتغير الموضوع(طيب السيره)

لا تدعي الغيرة وتغير الموضـــــــــــوع=يا طيب السيرة ترى الخطاء مرجــــوع
انا اعرفك زين عشرة عمر وسنيــــــن=ولا تلف وتدور يكفي دلع ودمـــــــــوع
كان الخطاء مني ابعتذر وارضيـــــــــك=كان الخطاء منك سلم علي بيديـــــــــك
تكفيني النظرة اطفي بها جمــــــــــــرة=يا قره الخاطر في العاطفة موجـــــــوع
الله هو المعطي من فينا المخطــــــــــي=انا أضني الشوق وعلى اللقاء محروق
يا شوق صارحني بالحب ريحنــــــــــي=ولا تدعي الغيرة وتغير الموضــــــــوع

ملفت للنظر

كل شي فيك ملفت للنظـــــــــــر=آيه بالزين في شكل ولـــــــــون
كن زينك ما خلق بين البشــــــر=الا لأحساسي وتعذيب العيـــــون
تهت في وصفك على كل الصور=فيك زين في البشر صعب يكـون
في جبينك شمس وعيونك قمـــر =قدرة الله وصلتني للجنـــــــــــون
اشعر ان الكون في يديني السهر =لين شفت بكل من فوقه يهـــــون
عمري الماضي ترى ماهو عمــر=ابتدا عمري معك خلك حنـــــــون
لهفتي في شوفه عيونك نهـــــــر=ترجمتها دمعة بين الجفــــــــــون

لليل الوعد

لليل موعد وانتي ليلك مواعيــــــد=وانا رهين الوعد لي طال ليلـــــــك
مغير اجدد موعد الوعد تجديــــــد=واصبر واداري قلبي اللي دخيلـــك
علمتني اهواك واذكرك واعيـــــــد=وعلمتني اسلك مسالك سبيلـــــــك
وعلمتني حرمان روحي من العيد =وعلمتني انسى جروحي واجيلـــك
وعلمتني والشوق سيد المواعيــد =اتعبتني يا قوي ظلمك وميلــــــــك
الله عطاك الحب والقلب والقيــــــد =والله على روح المحبة وكيلـــــــك

دنياي لاتبكين

دنياي لا تبكين يوم اضحكت لــــــــي=وانا عقب فرقاك جسم بــــــــــلا روح
اموت بايام جميله مضت لــــــــــــــي=ما كنت اعرف الياس والهم والنــوح
واليوم فيها اشياء كثيرة بدت لــــــي =طول النوا خلا لي الدمع مسفـــــــوح
وان كان تهنا لك حياتي بقت لــــــــي=اقتل وجسمي في ثرى الرمل مطروح
يا ما السنين السود عقبك حكت لــــي =وانا ضرير الشوف والقلب مجــــروح
تكفين من عقبك دموعي بكت لـــــــي =مالي وطن مالي سما وين بــــــــروح

البوم الغربه

فيك طبع الفضول

فيك طبع الفضول وفيك طبع الغرور=والله اللي تعالى في سماه وعـــــلا
من عرفتك صغير فيك حب الطهــور=همك إنك تعلى فوق كل المـــــــــلا
لا تكابر وأعذرك وأنت منت معــذور= هاجسي في طباعك يا ظبي الفـــلا
خايف افقد شعوري واتزاني وأثـــور=وأمسحك من حياتي لو بغيتك غلا
في كفوفك وكفي لا تموت الزهــــــور =أسقاها تنتعش لك بالتواضـــع ولا
والله إنك ملاك في جميع العصـــــــور =فتنة في جمالك يا هلا بك هــــــلا
غرك إني أحبك وغرك إني غيــــــــور=وغرك إني رفعتك في حياتي سما
أحترق لك قصايد تحترق لي حضــــور=وإن مدحتك تخايل وأنت كلك حلا

مغرور

مغرور عديني مع الوقت مغـــــرور=بس أني أنهي شي بينك وبينــــــــي
أنا بشر عندي معاناة وشعــــــــــور=وأحس وأنتي ما تحسين فينـــــــــي
ضنيت مالي في حياتـــــــك ولا دور=يا كود بأنه كان قلبك يبينــــــــــــــي
لي حق يوم أبحث عن مصدر النـور=طول العذاب أعمى من الحزن عيني
سويت ما سويت مرغم ومجبــــــور=أبكي وهي تمحيك حتى يدينــــــــــي
صحيح ما قصر وأقول مشكــــــــور=وأنا بدونك ما توقف سنينـــــــــــــي

يابرودك

أنت تدري وش اللي فيني لا تكابر يا ضنيــــــي=كاتم أشواقي وحنيني يا برودك يا عيونــــــــــي
يا ليت تتنازل تجيني وأرتوي منك بعينــــــــــي=وأمسك يدك في أيديني يا جنوني ـنته جنونـــي
ضاعت أيامي وسنيني أعشقك وأنته تبينـــــــي=حارت الدمعة في عيني منك يا مهيض شجوني

برق ورعد

أختفى حلم يجيني كل حيـــــــن=في منامي غيم وبروق ورعـــد
فيه الاقي من له عمري رهيــن=ولا التقينا هلت غيومه بـــــــرد
وأمسك أيديها وأبادلها الحنيــن=وأتأملها وأذكرها الوعــــــــــــد
يا ملاك بين عيني والجبيـــــــن=ما على الدنيا شبيه لك أبــــــــد
لك ملامح تخضع لها كل عيــن=حيرت كل الملا وأهل البلــــــــد
يا حياتي الروح بك وقتي يزين=وأفرح بلقياك يا وجه السعـــــد
أتركيني أسعد بحبك سنيــــــــن=يوم شفي ما هوى غيرك أحـــد
عبري يا شوق وأبدي ما تبيــن=لك حياتي أن كان تكفي للأبـــــد

تاهت افكاري

آه لو تدرين عن قلب يعانــــــــــــــــي=ما تركتيني ورحتي يا مــــــــــــــــلاك
الزمن من يوم ما رحتي جفانــــــــــي=من بين خطواتك عذابي والهــــــــلاك
يأسي اللي غايب عني دعانـــــــــــــي=ما توقعت أنتظر ساعة جفــــــــــــــاك
وتاهت أفكاري ومدري وش بلانـــــي =ويش غير نظرتك للي غـــــــــــــــواك
كنت قبل أيام في عيوني أمانـــــــــــي=ومصدر النبضة في صدري وش بلاك
وأن فقدتك لحظة فــا الموت جانــــــي=وتضحك الدنيا بعيني في لقـــــــــــــاك

بضويك شمعه

بضويك شمعة للمحبين وأطفيــــــــك=وأضويك مرة ثانية واحترق بــــــــك
وأشهرك سيف بوجه من لامني فيـك =وأشهرك مره ثانية وأنتحر بــــــــــك
وأنفيك في ساعة غضب ما بي أجيك=وأرد من زود الوله وأعترف بـــــــك
وأقول بجفا حبنا وأرجع ادعيـــــــــك=تو ما دريت أن العمر مرتبط بــــــــك
تدري حياتي كلها ملك أياديــــــــــــك=وأعيش كل العمر أنا أفتخر بــــــــــك
غصب علي يا زين من لوعتي فيـــك =أجفاك بلساني وقلبي يحبــــــــــــــــك

لذة العشاق(اذكريني )

اذكريني لا هدا بالــــــك و راق=وش كثر عانيت منك و الزمـن
و اعذريني لي نسيت الاشتياق=كل حلمٍ راود الحب اندفـــــــــن
و انثري دمع الشقا قبل الفراق=كل شيٍ له على الدنيا ثمـــــــن
صدقيني فكري الموهوم فــــاق=و الحقايق رددت أحلى لحـــــن
المحبه ما ذكر فيها اتفـــــــــاق=تحرق قلوبٍ و تختار السمــــن
أيه احبك و المحبه ما تطـــــاق=ساكنه قلبي و قلبي لك وطــــن
لكن الفرقا تنادي باشتيــــــــاق=لذة العشاق نسيان الحــــــــزن

الغربه

قتلني الشوق في الغربة متى برجع لأعز النــاس=مـتـى بألـقـى حبيـبـي الـلـي عــن الـهـم طـاويـنـي
تذكريني نجـوم الليـل ليـال(ن) عشتهـا بإحســاس=أنا ويــاه والإحـســاس رسـالــة عـيـنـه لعـيـنــــي
أداري خطوتـي بالحـيـل قـبـل لا يعتريـهـا الـيــاس=لجـل يبقـى الأمـل وأخفـي دموعـي الـلـي تعنيـنــي
وضماي بغربتي شوقي عذابي شاب منه الــــراس=وأنا العطشان من جرح الزمن وش عاد يروينــــي
حبيبي لا تظن أنساك حشا ما أنسى اعـز النـــــاس=وأنــا كـلـي فــدا دمـعــة عـيـونـك كـــان تبكـيـنــــي

البوم اخر رساله

ايام

أيام أبكي عليك وأيام اشكي عليـــــــــــــك=وأيام تبكي عنيك تبكي عيوني معــــــــــاك
ليش الهجر يا حبيب ليش الجفا والعنــــاد=وأنت لقلبي طبيب واليوم تنوي البعـــــــاد
انته هواي ودواي وأنت اللي عايش معاي=واليوم رايح وجاي بس أتردد عليــــــــــك
هجرتني ما شكيت ولا لواحد حكيـــــــــــت =وإذا ذكرتك بكيت أصيح واشره عليــــــــك

انت حر

حياتك وأنت حر اليوم فيهـــــــــــا =تصرف لا تشاورني عليهــــــــــــا
نصحتك كم مرة لكن انــــــــــــــك=عنيد والنصيحة ما تبيهــــــــــــــا
قبل ما اسري على دروب المحبة=وراحة خاطري منك اشتريهـــــــا
صبرت أكثر من اللازم أعانــــــي=على نظرة وفا منك اجتريهــــــــا
شريتك بألف يا حبيبـــــــــــــــــي=هموم الحب ضمتني يديهــــــــــــا
تصورتك على صحوه دموعـــــي =تقدر لهفة عيوني وتجيهــــــــــــا
تبادل بالهوى بإحساس صـــــادق=ودنيا الحب تشعر يوم فيهـــــــــا
أبـنـكـر ابـد أنـي احـبــــــــــــــــك=حياة أنـت فـيها مــا أبـيهــــــــــا

قرارات

قررت ابنهي علاقتنــــــــــا=خلاص بنساك يالغالـــــــي
ما ارتاح لك لو تعاهدنــــــا =مهوب مرتاح لك بالـــــــي
نسيت يوم تباعدنــــــــــــــا=بكيت وتقول ما جانــــــــي
وتقول عين وصابتنــــــــــا=حرام فكر في غربالــــــــي
ودار الزمان وتفارقنـــــــــا=روحي وانا اروح في حالي
وما اضن الايام تجمعنــــــا =اتحطمت فيك آمالـــــــــــــي
وقررت ابنهي علاقتنــــــــا=خلاص بنساك يالغالــــــــي

بدري عليك

بدري عليك اليوم اليوم أنا مفهــوم =فهمتها بعدين وقلبي خذاه إنســـان
إنسان فاهمني بالحب عوضنـــــــي=معاه أنا بعيش وأعطيته الأمـــــــان
لمحت لك واجد ما كنت متواجـــــــد=شايفك أنا في طيش وزوتني أحزان
اشتقت تعاتبني ولا تحاسبنـــــــــــي=زعلان أصلا ليش متأخر وزعـــلان

اخر رساله

قبل نتفارق سطرت لك يمينـــــــي=آخر رسالة حب أودعك فيهـــــــــا
هذا قدرنا بالهوى صدقينـــــــــــي=الأيام ما تمشي على ما نبيهـــــــا
ودعتك الله وان قسيت اعذرينـــي =واعيوبي اللي تعرفين استريهــــا
وان كان عذبتك معي سامحينــــي =وانسي ذنوبي الاوله واغفريهــــا
أبذكرك دايم وأن رحلت اذكرينــي=وأبيات شعري عن هواك اكتميها
أبذكر أنك كنت أحلى سنينـــــــــي=وأيامي الحلوة معاي اذكريهـــــــا
الأبيات يا روحي لها جرح فينـــي =الا ذكرتي حبنا طالعيهــــــــــــــــا
هذا وداع أخير بينك وبينـــــــــــي=يا من حياتي كلها في يديهــــــــــا
هذي حروف سطرتها يمينـــــــــي =قبل انتفارق قلت أودعك فيهـــــــا

وين القاك

دورت لك وين انت كيف القــاك=مهوب حق منك هجرانــــــــــي
تدري احبك واعشقك واهـــواك=تدري غيابك مصدر احزانــــــك
وش جاك مني كيف تجفانــــــي=ينساني الله كان انا بنســـــــــاك
ويلك من الله كيف تنسانـــــــــي=ينساني الله كان انا بنســـــــــاك
يا كل كلي والعمر يفــــــــــــداك=مقوى فراقك صدك اشقانـــــــي
غبت وبقت يا صاحبي ذكـــراك =طيفك ابد ما يفارق اعيانـــــــي
لولا الغلا و لولا الهوى ولولاك=ما عشت بين الناس وحدانــــي

البوم مملوحه

موافق

مـوافـق حـبـيـب قلبـي قلــي مـوافــــــــــــق=موافق بكرة تجيني واشوفك بعينــــــــــــــي
عشان اطير من الفرح حبيبي ارجوك وافـق=انـا واثـق مهمـا تغيـب سنيـن انـا واثــــــــق
انا واثـق وقلبـك يبينــي وعينـك بعينــــــــي=اني بنسى اللي مضى حبيبي ارجوك وافـــق
لـي وافـق انـك تـجي ارجـوك وافــــــــــــــق=لي وافق تشوفك عيوني وتقتل ضنونــــــــي
الحب ذا كل عطا حبيبي ارجوك وافـــــــــــق=انته عارف اني ابي قربك وانا عـــــــــــارف
انته عارف اني انا احبك وحياتي بقربــــــــك=عارف وشوقي بي سطا حبيبي ارجوك وافق

سايبه

هي سايبة نمشي على كيفــــــــــك=هي سايبة واتبع انا طيفـــــــــــــك
هي سايبة وتسل لي سيفــــــــــــك=هي سايبة ما أضن يا غالـــــــــــي
وراك يا عمري تهددنـــــــــــــــــي =ولا تبي دايم تخوفنـــــــــــــــــــــي
يا عمري ليه تبغى تعذبنـــــــــــــي=اول حنون اللي تواسينـــــــــــــــي
دايم من اجروحي تداوينـــــــــــــي=حتى ولو اتعب تودينـــــــــــــــــــي
ليش القسا ليه يا غالــــــــــــــــــي =اجي واروح وانت في بالــــــــــــي
فيني جروح تاعبه حالــــــــــــــــي=نفسي انا اسلى عنك ما جانــــــــي
عندي امل فيك الامل تحن يا غالي=هي سايبة ما أضن يا غالـــــــــــي

مستعجل

وش فيك مستعجل ترى الليل تــوه=اجلس وشرفني انت عارف مكاني
الليل ليلك خل عندك مـــــــــــــروه=خل الدلع مبسوط من جيت عانــي
والله ما اسيبك وما تبي اليوم سوه =ارجوك واترجاك غير زمانـــــــــي
الجو جوك منهو الآن جـــــــــــــوه=يا ما بكيت سنين منك اعانـــــــــي
ابي حنانك عطني القلب قـــــــــــوه=يومه دعاك الشوق جيت ودهانــي

مملوحه

مملوحة كل العذوبة فيـــــــك =مملوحه ميت تراني فيـــــــك
مملوحة وانا بشر واغليــــك=مملوحه والله اني فيــــــــــك
لا اجازف واللي يصير يصير=مملوحه فيك الحلا والـــذوق
مملوحه وعالي مكانك فـوق =مملوحه وانا بجيك بشــــوق
مملوحه والله اني فيــــــــــك=لا اجازف واللي يصير يصير
مملوحه انتي جمال الكــــون =مملوحه وحبي ترى بجنــون
مملوحه وخلي البشر يدرون=مملوحه والله اني فيـــــــــــك
لا اجازف واللي يصير يصير=مملوحه فيك الحلا كلــــــــــه
مملوحه وفيك الدلع كلــــــــه=مملوحه وقلبي انا من لــــــه
مملوحه والله اني فيــــــــــك =لا اجازف واللي يصير يصير

اكذب عليك

أكذب عليك أن قلت أقوى وبنســــاك=وأضحك عليك أن قلت مانيب ناسيك
مرة أقول الله يحفظك ويرعــــــــــاك =ومرة أحس بغلطتي يوم أناديــــــــك
سلمت أمري للي خلقني وســــــواك=قلبي نساك من كثرت خطاويـــــــــك
صوتي يباح اليوم لي هل طريـــــاك=وقصة غرام في زمانك تسليـــــــــك
عايش سعيد يعلم الرب لــــــــــولاك=بحاول ابعد عن غرامك واجافيــــــك
ساعة اجيك ولهان وساعات مبغـاك=ومن غلطتك يازين قررت ما أبغيــك
عذبتني من شـــــــــان ذولا وذولاك=أضحك تبسم أهدم الحب بيديــــــــك

انتي من انتي

انتي من انت ذكريني نسيتك =صوتك غدا عادي مثل بعض الاصوات
لا تسرقين الوقت مني بليتك =تعيد ذاكرتك على ماضين فات
يمكن تصورتي خطأ اني هويتك =لفكر يوهم صاحبه بعض الاوقات
يابنت في درب الصدف ماحتريتك =ولا اذكر انك حلم مانسي على الذات
سريت من درب الهوى ما سريتك=ما هزني حب .. وذكرى .. ولا آهات
مشاعري عذرى ولا اذكر لقيتك=اعرف مواطي نظرتي ماابي اثبات

البوم شهقة المخنوق

سعوديه

يا حلوه يا بنت يا حلـــــوة =ممكن ابا كلمك كلمــــــــــة
بسألك بالله وش اصلــــــك=انتي وش اصلك سعوديـــة
محتار تكفين قولي لـــــــي =روح نهاري مع ليلـــــــــي
برتاح لا من حكيتي لــــــي =تكفين انتي خليجيــــــــــــة
قالت لي وش معجبك فيني =قلت بصراحه ذبحتــــــــــي
ثم ضحكت وادمعت عينــي =صارت تكلم بحنيـــــــــــــة
واتفكرت فيني وقالـــــــــت =المسأله بيننا طالــــــــــــت
نظرتك والله ما بانــــــــــت=اصلي اساساً سعوديـــــــة

ليه الخطاء

ليه الخطاء يا هاجري ليه وش صـار =خوفي يكون من الهوى صابك بروده
خبري بسيبك تذكار بلا أســــــــــــرار=واليوم أسمك بين هالناس مذكـــــــور
ياللي تخون اسقيتني سم وأمــــــــرار=دمعي فضحني بس أنا فيه مجبــــــور
خليت مالي بالمجاليس مقــــــــــــــدار=مثل الذليل اللي من الضيم مقهـــــــور

طول وقوفي

قومي تعالي صافحيني وانا حـي =ما ينفعك لي مت لمسة كفوفــــي
مثل العماء ما ينفعه لمسه لشــي=لي صار ما بصبي عينه يشوفــي
من لي غيرك يا منايه في هالحي=اشكي عليك وزاد همي وخوفـــي
قومي تعالي ما بقى بالعمر شـــي =على امل رجواك طول وقوفــــــي

شهقة المخنوق

متى ما صارت الضحكة شجن يسكن دموع الشوق=تلـقيـني أنا الـبـاكـي أنا مـن يـسـكـب العبـــــــــــره
ومتى مــا صار قـبر الموت يشكي شهقت المخنوق=تلـقيـني أنا الـمـيـت أنا مـن ضـاق بــه قـبــــــــــره
متى مـــا لبســت الدنيــا جلــود العاشــقين بــــذوق=تلـقينـي رداهـا الـلي كـسـاهـا بـمـعـركة صبـــــــره
مثل مــا للسمــا برقــاً لك بقلبـــي رعــد وبـــــروق=مـكـان الـراس بـه عـمـري مـآسي للمـلا عـبـــــره
مثل مــا لطفــل دمعـــــه تــذوب قســوة المخلــــوق=أنا لــي عاطفة وذابــت والـسـبــب نــظــــــــــــــره
مثل مــا صــار لك خــاطر احنه واحمله برفـــــــوق=أنا لــي خـاطـراً عـنـدك تـكـسـر مـا بـقـا جـبـــــــره
أنا يا بـنـت لـي عقـلاً مـن أفعالك غـدى مطفــــــوق=مثل مـا غبت عـن حـالي نـفـذ عقله بأخر نظــــــره
تـعبت يسـوقني وقتـي وأنا عمري أسوقه ســــــوق=تـعبت مـن الـنـصيب الـلي مثل منتي على خبــــــره

كرامتي عندي

لا تحسب اللي فيني غرور واعنــاد =كرامتي عندي تساوي حياتــــــــــي
لا والذي سواك مانيب زهــــــــــــاد =ولا الغدر طبعي ولا هو من صفاتي
عطيتك احساس صدوق ولا فـــــــاد =ليش تجاهل منزلك وسط ذاتـــــــــي
ما هزك شعوري ولا هــــــــزك وداد=ولا يفيد الصبر في المقبلاتــــــــــــي
من صد عني بجهله كيــــف وأن راد=ما نيب من فرقاك يا زين صافــــــــي

الخطاء وارد

يظهر أني كل ما أسامح كثيــــر =تحسبين الضعف مني في هـواك
كل ذنبي يوم حبيت الضميـــــــر =ادمح الزلات وأسامح عن خطاك
أتناسى واتفائل فيك خيــــــــــــر=والأمل في مقبل أيامي رضــــاك
لو عرفتي قدر حبك بالنظيـــــــر=ما اعتقد انك تمادين بجفــــــــاك
الخطاء وارد ولا ودي يصيــــــر =كل لحظات مضت عذبة معــــــك
كل إنسان على الدنيا يغيــــــــــر=يلمح المحبوب في صورة مـلاك
لو فهمتي دافع الحب الكبيــــــــر =ما اعتبرتيني ضعيف في هــواك

سحرالعيون · 19 محرم 1431هـ, 01:38 صباحاً

البوم ياذا القمر

وين العهد

ويــن الـعـهـد يـا كـامل الـزين ويـــــــــــن راح=ويـــن الـكـــلام اللـــي تـقـولـه بـلـحـظـــــــــــة
تلعب علي تضحك علي بدمع عينك لي ســــاح=لا وا حـسـايــف يـالـغـضـي كـل مــا فـــــــــــاد
وشـلـون يـالمـجمـول تـرضـى لـي اجــــــــراح =تـجـرح عـشـيـرك بـالـجـفـا والـخـيـانـــــــــــــه
وين الدموع ذيك الدموع اللي على الخد سياح=بكي علـي لـي غبـت فـي بعـض الاوقـــــــــات
خــلـيـتـنـي بـيـديــك والـعـمــــــــــــــــــر رواح=قـصــدك تــبـلانـــي عــلــــى كـــــل حــــــــزات
خـلـيــتـنــي بـيـديـــك لــعــبــة ومــسـبـــــــــاح=قــصــدك تـبـلانـــي عــلــــى كــــل حـــــــــزات

لالاتسافر

لا لا تسافر يا اريش العين مقـــدر=مقدر فراقك نورة عيني دقيقـــــــة
يا ما من اجلك نوم عيني تكــــــدر=وحدك ملكت القلب وهدي الحقيقة
ارحم دموعي منك صارت تنثــــــر=ارفق بحالي شف عيوني غريقـــة
انت الذي بعدك على القلب أثــــــر=أسير في حبك حرام تعيقـــــــــــــة
ترى حيالتي منك صارت تعـــــــذر =وجرح الزمن وشلون قلبي يطيقـة

ياذا القمر

يا ذا القمر يالي علينا تضــــــــوّي=ما شفت زول حبيّبي بـــين الازوال
محتار بأمري يا عرب ويش أسوي=داله وسالي لين يطري على البـــال
لا من ذكرته زادت غيوم جـــــــوي=والدمع من عيني على وجنتي سـال
أبو جديلٍ فوق متنه متلـــــــــــــوي=خطرٍ على من شافه يصاب بهبـــال
قلبي على لاماه بيشب ضــــــــــوي=لي مدةٍ ما شفت أنا زين الإقبـــــــال
لولاي خايف من شماتة عـــــــدوي=لأعلن بحبي له وأغنيه مـــــــــــوال

ياهل الهوى

ياهل الهوى ردوا لي الروح =اللي يبيك ما تبونه
سدي معاكم صار مفضوح =كل الخلايق يعرفونه
لرادت فيكم ومصلوح =سر الجفاء لي تكشفونه
الحب فيكم ضايع ومجروح =عسى دواكم توصفونه
جسر المحبة صار مفتوح =وانتم عليه تقفلونه
حيران مدري وين ابروح=مالي عشيرٍ يذكرونه
واللي عليه البال مطروح=امصكيكا الابواب دونه
وصله من الاول كان مسموح=اليوم عني يمنعونه

البوم اخذي الرسايل
طبعك تغير

طبعك تغير ليه ياكامل الزيـــــــــــن=وانتي بقلبي ماضي تذكرينـــــــــــه
شفت العذاب برمشك اليوم طاويــه=من نظره بالعين لي حزينـــــــــــــه
تخفي علي الحزن ودمعة العيــــــن=قلبي على فرقاك لا تجرحينــــــــــه
عقب الوفاء وياك لك عشت وسنين=تمشين درب بالخطاء تعبرينـــــــــه
لا تجرحين القلب يكفين جرحيــــــن =جرح الزمان وجرح قاسي سنينــــه
تبغين ما عندي ترى مستعديــــــــن=عندي لك الذكرى رسايل دفينــــــــه
او صورتك عندي عليها تخافيــــــن=من كل قلبي ينبض ما تبينـــــــــــــه

ياشوق

يا شوق ما ترحم عليلٍ يحبــــــــــــــــك=من مدةٍ لا هي بشهرٍ ولا يــــــــــــــــوم
سرقت نفسي لين أناجيت يمــــــــــــــك =وأهل الحسد في غفلة الحلم والنـــــــوم
يا قمة الإخلاص يا خف دمـــــــــــــــــك =وصفك غريب و في العرب صار معدوم
أسقيتني كاس المحبة و همــــــــــــــــك =لا جلك شربت الكاس لو كان مسمـــــوم
أرجوك تاصل من وصاله يهمـــــــــــــك=أرجوك تاصلني ولو في السنة يــــــــوِم
عز الله أني يالغضي شلت همـــــــــــــك=ما تسمح ظروفك تسير ولو يــــــــــــوم
أتعبت نفسي بالمشاوير يمــــــــــــــــــك=درب الهوى من يسلكه حارب النـــــــوم

اخذي الرسايل

أخذي الرسايل والصور واعتــذاري=هذي النهاية قالها من تمنـــــــــــاك
كثر الونين أزعج ربعي وجــــــاري=لي من ذكرت اللي على البعد غراك
حبك محيته برغبتي واختيــــــــاري=بعالج جروح مضت من سوايــــــاك
يا مورد الخديي هذا قــــــــــــــراري =بنسى الغرام وعيدي اليوم فرقـــــاك
ليت حبك في سم موتي انتظــــــاري =وأعلنت طول العمر يصاح جفــــواك
والله لأبيعك لوك اليوم شـــــــــــاري =وأنساك ياللي خاين الحب وأجفــــاك

ذي فرصتي

ذي فرصتي يوم التقي بأغلى حبيب=ذي فرصتي واقول هجرانك صعيب
يا فرحتي بامسك يديك=من لهفتي باشكي عليك
ذي فرصتي واقول غادر يا زمن=ذي فرصتي واجعل من الغربه وطن
يافـرحـتـي انتي الـــحـيـــاة=يا جـنـتـي شوفـــك نـجــاة
ذي فرصتي وارسم معك قصة هوى=ذي فرصتي والقى معك كل الدوا
يا بسمتي انتي القمر=يا نوري اضوي للبـشـر
ذي فرصتي لحظة تلاقينا الجميل=ذي فرصتي اضحك وانا جرحي عليل
يا دنيتي فرحي يبين=يا ضحكتي كلي حنين
ذي فرصتي اشكي عليك اللي مضى=ذي فرصتي واقول من فعل القضى
يا لهفتي انتي الوجود=يا بهجتي انتي الورود

البوم ياحسرتي

اهلا هلا

أهــــــلا هـــــلا يا غزال الحي والديره=أهلا هلا يا قمر نجد وأهـــــــــاليـــــها
يا قمر خمست عشر يا منور الديــــره=نورك خشى دنيتي وإلى سـكن فــــيها
بقدومكم راح شري و أبتدى خــــيره=من سبتك عيني ولهان شـــــرقيـــهــا
يا حب كيف أوصفه وشلون تعبيـــره=الحال من سبته بان الألم بـــــــيــــها
القلب يا نور عيني زاد تــــــفكــــيره=خوفي من الله بحالي و أنظري فيــه
أمر تدلل ولا تشتكي الـــــحــــــــيره=أمر تدلل على نفسي مـــــــــعنيــــها

ياحسرتي

يا حسرتـي يـا هلـي وشلـون بلقـاه=سـافــر وخـلانــي نـفـسـي عـلـيـلـه
لا والله اللـي راح مـا عــاد شفـنـاه=نـــاوي يـعـذبـنـي يـنـســى خـلـيـلـه
نسى ليال(ن)ماضيه قد عشت وياه=والـقـلـب مـــا فـكــر خــــل بـديـلــه
يـا نـاس أنا صـابـر عــزاه عــزاه=وان كان طال الهجر وشهـو دليلــه
بأوصي أخواني يشوفـون مرضـاه=ويوصلـون إخباره علـى كـل ليـلــه
قله يسامحنـي وأنا اسعـد بجمعـاه=ويــداوي العـاشـق بنـفـس جميـلــه
وان كان ناسيني فـلا يمكـن أنساه=ولا زلـت أفكر بـه ليال(ن) طويلـــه

اطولت غيبتك

أطولت غيبتك ياللي وصالــك دواي=هاجسي عنك والله ما قويت امنــعه
عقب فرقاك أنا والله تزايد بــــــلاي=ودمع عيني تحدر من قصور منبعه
شوفتك يا حبيب الروح تبعد شقـاي=وآه يا سعد عين اللي حبيبه معــــه
أكتم الحب في صدري وهذا جـــداي=خايف من عذول خايف يسمعـــــــه
يا حبيبي دخيلك لا تخيب رجـــــاي=حبل حبي وحبك لا احد يقطعــــــــه

ياهلي طال صبري

ياهلي طال صبري والحبيبة جفتنـــــي=والعين اسهرتني من سبات الليالــــــي
ضيقتني حياتي والهموم احرقتنــــــــي=والهوى سم حالي يا بعد كل غالـــــــي
اتقرب ولكن كيف كيف ابعدتنــــــــــــي=لا يعذب محب بالمحبة حلالـــــــــــــــي
والعيون الكحيلة بالغرام اسهرتنــــــــي=في الهوى والمحبة يا هلي سم حالــــي
من غزال ذبحني من عيون رمتنـــــــي=صوب القلب ما اخطا لين جاب العنا لي
دمعي ياللي تنثر فوق خدي فضحنـــــي =و آه من ما جرالي و آه من ما جرالـــي

البوم يااسمر الون

ان ماحصل لي

إن ما حصل لي يا هلي باهي الخد=أنا وروحي يا هلي له ضحيــــــــه
اللي ملكني هو من القلب والــــود=والله ما غيره بيطري عليـــــــــــه
الموت أهون يا حياتي وأنا اصـــد=عذبتني من دون ذنب وخطيـــــــه
أسمك على قلبي مغنى يـــــــــردد=يكفي خفوقي روحه والجيــــــــــه
عمري بحبك كل يوم يتجــــــــــدد=وأعيش في دنياك عيشة هنيــــــه
يابو جديل فوق الامتان ينمــــــــد=وأشواق قلبي داخل القلب حيـــــه
حبك ذبحني يا هوى البال من جد=زولك أنا ما شفت يا زين زيــــــه

يااسمر الون

بالهون بالله يا أسمر اللون بالهـون=أرحم عليل منوته في لقاكــــــــــــــم
قلبي بحبك يا أسمر اللون مرهـــون=ومنين ما رحتو توجه معاكــــــــــــم
لا يسمع العاذل ولا اللي يقولــــــون=مهما حكوا ما يمكن أنسى هواكـــــم
أسهر طوال الليل ربعي ينامــــــــون=كله سبايبكم وأدور رضاكــــــــــــــم
لو تطلب الغالين عندي يهونـــــــون=مهما فعلنا مابي نلحق جزاكــــــــــم
حبك ملكني وصرت به شبه مجنون=عزي لمنهو قد وقع في هواكــــــــم
يا عود ريحان ويا ورد مكنــــــــون=يا سعد منهو ساكن في حماكــــــــم

لاعاد ها الله

لا عادها الله والتقينا الأثنيــــــــــــــن=ياليت ربي ما فتح لي مجالـــــــــــــي
تكفين يا بنت الأجاويد تكفيـــــــــــــن=أشكي عليك الحال من ما جرالـــــــي
يا صاحبي الوافي على العز واليــــن=أنا دخيلك لا تسبب زوالـــــــــــــــــي
ولي طلب واحد أرجوك لبيــــــــــــــه=مشاهدك يا بنت بأسرع مجالـــــــــي
أحكم ترى حكمك على الراس والعين =ما تتطلبه يفداك لو كان غالـــــــــــي
يفدونك اللي عندنا اليوم غاليـــــــــن=يفداك أنا أبويه وعمي وخالـــــــــــي
الحب سنه والعرب فيه ماشيــــــــــن=كلن مشاه اليوم أول وتالـــــــــــــــي

ياملكن قلبي

يامالكن قلبي من أدناه لقصــــــاه =يا ماسك حبل الوصل في يمينـــك
حرام قلب يطلب رضاك تنســـــاه =يا كيف يالمزيون تنسى ضنينـــك
يكفي فؤادي من الغرابيل ما جـاه=ديني وفيته وأنت ما وفيت دينــك
يا ما بكت عيني وقلبي شكى الآه =مدري متى أشبك يديني بأيدينـــك
اللي يحبك يا أريش العين يهـواك=يا كيف يا زين تجفا ضنينـــــــــك

البوم مرثية ام (1)

جاني خبر

جاني خبر في غربتي قيل بركـــــــود=صوب الرياض أسرع و شد الرحالي
قلت السبب قالو مريض و بــــــه زود=على فراشه طايح من ليـــــــــــــــالي
يبي يشوفك دامه اليوم موجـــــــــــود =علك تشوفه لي وصلته سالـــــــــــي
حاولت اعرفه قالو الوقت محـــــــدود=لا لا تضيع وقتك اليوم غالـــــــــــــي
رجعت فكري تايهٍ شبه مفقـــــــــــــود=متخدرٍ جسمي وفكري وبالــــــــــــي
ساعة دخلت وشفت أنا البيت محشود =بالناس كلٍ يزعج الصوت عالــــــــي
حتى الصغير اللي من أيام مولـــــــود =يبكي ودمعه فوق الأوجان سالـــــــي
نشدتهم وش صار بأيامي الســــــــود=منهو توفى..من فقدناه غالـــــــــــــي
قالوا ترى أمك يا بن الاجواد بالعـــود =بالعود مدفونه من أربع ليالــــــــــــي
جاها قضاها ويومها اليوم موعـــــود=والموت حق وكلنا للزوالــــــــــــــــي
من هرجهم حبل الحزن صار معقـــود=في خافقي والموت وقته طرالــــــــي
بغيت أجامل كل من كان موجـــــــــود=لكن حزنـي ترجم أحوال بالــــــــــــي
وانهل دمعي وانتثر فوق الأخـــــــدود =ساعة نظرة فراشها و العيالـــــــــــي
ياليتني في قبرها اليوم موجـــــــــــود =وهي على الخد الوسيعه بدالــــــــــي
لا شك حكم الرب ما عنه مـــــــــردود=آمنت به ربي عليه اتكالـــــــــــــــــي

داعج العين

ياهلي شوفوا حالي راح مني عـــــــــدم =السبب صاحب اللي بشكي حالي عليــــه
داعج العين رماني وصابني بسهــــــــام=صاب قلبي وحطم حالتي لجل أرتجيـــــه
أول حبيب اللي قلبي يبادله الغــــــــــرام=اليوم تكبر عليه يا ناس ما أبغى أبتليـــه
اللي بحبه في قلبي دايم الــــــــدوم دوام=ساهر الليل لجله النوم ما بهتنيــــــــــــه
يوم كنا حبايب طارق البــــــــــــاب دوام=اليوم خاني حبيبي كيف أنا برتجيـــــــــه
من نساني نسيته لو على البال ســـــلام=لو بحبه ذبحني وقرب الموت فيـــــــــــه
قطعت حبل المودة وأنهيت كل الخصــام =خلاص حبك محيته في القلب ما برتجيه

كثرت هوجيسي

كثرت هواجيسي هموم وتفاكيـــــــــــــر=سبه وليف طاع فيني غثا النـــــــــــاس
محتار في صده ولا نيب في خيـــــــــــر=أعض انا راحات يميني بالأضـــــــراس
مقدرت أفسر له شعور ولو بتفسيــــــــر=جسمي نحل والشيب عقبة كسى الراس
أتعبت نفسي بالمشي والمشاويـــــــــــر=لا من ذكرته حل بالقلب هوجـــــــــــاس
يا ناس أنا كيف أهتني بالمقاديــــــــــــر=خلتني الدنيا حسير بلا ســـــــــــــــــاس
قلبي عزف يا سعود عان عشرة الغيـــر=لو كان غيره در وأزهور وألمــــــــــاس

البارحه

البارحه ضاق صدري يالله الخيره=من غزالٍ نوى هجري وغربالي
طفل نطحني يجر خطاه بالديره=لا وعذابي ياهلي يابري حالي
من يوم شفته وانا ما شاقني غيره=غيره فلا ظنتي يطري على بالي
ابو ثمانٍ ارهاف توها صغيره=ياليت منهو بقرب الزين نساني
يازين ماهو بحقٍ منك ذا السيره=اشغلت قلب المولع ياهوى بالي
الحب ياصاحبي ماهو بتسعيره=الحب يسلى بكل الناس يالغالي
راحت حياتي ضحيه وانت تعبيره=من سبتك ماهتنت عيني واعزالي

البوم مرثية ام (2)

يوم جاني

ايوم جوني الناس من كل الجهات=قايلين اصبر..مقدر لا تصيـــــــح
البقية في حياتك والوفـــــــــــــاة=أمر ربي والمصايب يا جريـــــــح
ما ترد دموع عينك شي فـــــــات=ادع ربك كان تغليها صحيـــــــــح
أمرضوني الناس من كثر العزاة=لين خلوني على فراشي طريــــح
قبلها بشهور ما ذقت الهنـــــــاة=من مرضها اسهر بليلي واصيــح
وأصبح الماضي بعيني ذكريــات=أتخيلها ودمعاتي تسيــــــــــــــــح
يوم شالوها الظهر بعد الصـــلاة=أظلمت دنياي والعالم تبيـــــــــــح
ما قوى جسمي وقوفي والسواة=كل ما أقف ينحني جسمي وأطيـح
متشائم يا عرب من ذا الحيـــــاة=حطوا أمي في القبر كيف أستريح
يرحمك ربٍ عطاك أحلا الصفات=كل صفات الأمهات اللي تريــــــح
يغفر ذنوبك عسى يوم النجـــــاة=ومن سوى الله يغفر الذنب ويبيح

اخرجي عن صمتك

اخرجي عن صمتك الراهب كفايه=واكشفي عن سيرة الحب الغموض
فهميني هو خطاك أو هو خطايــه=أو إنا بالحب ماني بمحضــــــوض
انشطر صرح الهوى شدي معايه=ولو تمايل حاولي به للنهــــــــوض
لا يطيح الصرح تنهار البنايــــــه=افزعي لي ان كان ودك به نخوض
و الا أنا مودع غرامك في حشايـه=ما أتخلى لو تلقيت الــــــــــعروض
أتمادى لو غدى ببعدي شقايـــــــه=واحتمل وارجي عسى ربي يعوض

يازين بصبر

يا زين بصبر وأشرب المر وامرار=ولو تنقلب دنياي هم على هــــــــم
ولوني طريح فراش بداخل الــــدار=ولو تنزف عيوني بدل دمعهـــا دم
لو قلبي الملهوف تصلاه بالنــــــار=أو تسقي العطشان كاسات من سم
أنت الحبيب اللي ما غيرك أختـــار=وما قلت يا فتان جاوبتك بســــــــم
رسمت لك يا زين بالقلب تذكـــــار=واهديت لك روحي ولا قلت من كم
مدري وش اسميك يا زين محتــار=والزين لك بستان والعز محــــــزم
وأنتي حنان الحب تجريبك أنهــــار=ولك طله تجلي بها الهم والغـــــــم
وأنت الحبيب اللي له القلب ينـــدار=يا جوهر الألماس يا لولو اليـــــــم
طيفك معايه يا زين بكل مشــــــوار=مقدر على النسيان والقلب مغـــرم
لو الغواذل فارقونا والاقــــــــــــدار=لابد شمـل بـاعـد تشتـات يـلـتــــــم

الامن راح نصف الليل

إلى من راح نصف الليل=بقى نصفن تحدانــــــــي
هواجيسي تهد الحيــــــل=وضيقة بال وأحزانـــــي
أفكر بالعدل والميـــــــــل=ودنيا يومها فانـــــــــــي
عضامي ما قوت للشيــل=إلى من قمت تعصانـــــي
ودمعي لو جمعته سيـــل=من هموم(ن) تبلانــــــي
شكيت وقلت رب سهيــل=ورب الكون وش جانـــي

يا زين بصبر وأشرب المر وامرار=ولو تنقلب دنياي هم على هــــــــم
ولوني طريح فراش بداخل الــــدار=ولو تنزف عيوني بدل دمعهـــا دم
لو قلبي الملهوف تصلاه بالنــــــار=أو تسقي العطشان كاسات من سم
أنت الحبيب اللي ما غيرك أختـــار=وما قلت يا فتان جاوبتك بســــــــم
رسمت لك يا زين بالقلب تذكـــــار=واهديت لك روحي ولا قلت من كم
مدري وش اسميك يا زين محتــار=والزين لك بستان والعز محــــــزم
وأنتي حنان الحب تجريبك أنهــــار=ولك طله تجلي بها الهم والغـــــــم
وأنت الحبيب اللي له القلب ينـــدار=يا جوهر الألماس يا لولو اليـــــــم
طيفك معايه يا زين بكل مشــــــوار=مقدر على النسيان والقلب مغـــرم
لو الغواذل فارقونا والاقــــــــــــدار=لابد شمـل بـاعـد تشتـات يـلـتــــــم

البوم شق صدي

دايم على الهاتف

دايم على الهاتف واكلم الزيــــــــــن=اهي تكلمني وانا اسمع نداهــــــــــا
حتى كلام الحب بيننا تماثيــــــــــــل=انا على الهاتف وقلبي معاهــــــــــا
لي همسه عنده ما بيننا البيـــــــــن=دام الامل بالي اخفت شفاهـــــــــــا
اخفيت جروحي اللي مابين ضلعين=صار الامل عندي اهوه هواهـــــــا
لا تغيب عن عيني يا اريش العيــن=وان غبت عيني تبين غثاهــــــــــا
خلك وفي الحب مثل المحبيـــــــــن=صار الوفا في عهد من مبتداهــــا

شق صدري

شق صدري وانت تدري بالجـراح=لا تـعـاتـبـنـي وانـا كـلـي حـنيـــــن
في بعادك ما اهتنت عيني مـــراح =حـبـك بـقـلبـي قـديـم لـه سـنيـــــن
واثق بقلبي ولا ادري كيف طـــاح=خـانـنـي قـلبـي وخـلاني رهيــــــن
لاعني هجرك وقلبي ما استــــراح =ناظـر اللـوعـات فـيـنـي والأنيــــن
لو كتمت وقلت سدي منك بــــــاح=بان دمع عيني واتضح اني حزين
انت قصدك حـبـنا كـلـه مــــــــزاح=وين صدقك وين عهدك ذاك ويــن
دمع عيني فوق خدي مـنــــك لاح =لاح برقه وانكشف شي دفيــــــــن
ما بقى لي كود ذكرى والنيــــــاح=صابر قلبي عسى ربي يعيـــــــــن

صافحيني (لحظة القي)

صافحيني لحظة اللقيا تـــــــرى=لهفة المشتاق لك دايم تزيــــــد
وكلميني بالهوى مهما جــــرى=ما يحطم حبنا قلب عنيـــــــــــد
صافي قلب بلقياك احتـــــــــرى=منتظر يوم تجي له من بعيـــــد
لا تقولي خايفه حكي الـــــورى=لا احد يرضي بحبك لي اكيـــــد
مير احكي لي وحكيك ينشــرى=واعزفي لحن بماضينا يعيــــــد
بدلي خوفي وخلينـــــــــي ارى=الوفاء مرسوم بالصوت الفريد
وانقليني من عذابي يا تـــــرى =يوم تحقق لي جميع اللي اريــد

يالله فوق عرشه

يالله ياللي فوق عرشه معتلي=تفرج لعين ساهره لما الصباح
ماطب والله النوم عيني ياهلي =كل ماذكرته قمت انا ازعج بالصياح
والله لاولا النوم واقري شرعتي= لااشقق ثيابي من كثر النياح
وادخل على ابوه واصيح واشتكي=وقول وين مضمون روحي
امس العصر لشفته =لبس حرير اخضر وهو وقف

رسالة إدارية:
زائرنا الكريم هذه الرسالة تفيد انك غير مسجل لدينا في مملكة الفن الشعبي نأمل منك التسجيل لكي تتمتع بجميع خصائص المملكة. للتسجيل في مملكة الفن الشعبي اضغط هــنا.

كلمات اغاني الفنان مزعل فرحان

كلمات الاغاني