كلمات اغاني الفنان عيسى الاحسائي كامله بدون اخطاء

الـبـارحـة يـاحمـد محــتار=أمــســت هـمـومــي تـبـاريـنـي
ولـــع بـجـوفـي لـهـيـب النار= لولا الـدفــاتــر تـسـلـيـنـي
والقلب كنه على منشار= حده يقطََع شرايينـي
وقـلــت يـاقـلـب يـا صــبار= اليـوم اشـوفــك معنـيـنـي
ارض(ن) عـريـضـه يـمـيـن ويــســار= فـيـهــا مـئات الـمـلايـــيـني
عـيـب(ن) عـلـيـه وعـيــب وعـــار= اقـابــلــك يا مـعـاديـنــي
انا معـود عـلــى الاسـفــار= وأرزاق ربي تـكـفـيــنــي
نفـسـي عـزيــزة ودمي حـار= والـغــش مـــا يقـبـلـه ديــنــي
انا أشـهــد ان الــزمــن غــــدار= فـــي يـــد شـــرواك يرمـيـنـي
ياقلبـي اصـبـر عـلـى الـلـي صـار= واذكرك يا مـجـافـيـنـي

ياغزال النعاثل كيف بنسى غرامك= وانت حبك بدون سلاح غالب عليه
كلما قلت بنسى واتركك في هيامك= دق قلبي معك تسعين من فوق ميه
في ضحاء العيد شفتك وانت طاوي لثامك= خايفن اني اطالع في الخدود النديه
الكعب ذاك الابيض زاهيا في قوامك= والعجب في لباسك مايشتروا الناس زيه
ليش ياروح روحي تهتني في منامك= ترقد الليل كله وانا عيني شقيه
ليتني ماعرفتك واعترض لي هيامك= كاني اليوم عايش بالحب عيشه هنيه

قالت فمان الله بدلنا به الدار دار = بكره نبي نمشي ، ونسكن في ضواحي قطر
كنت أحسب انه ضحك والآ مزح والآ أختبار = لكن فجعني دمعها اللي هلْ مثل المطر
وأظلم علَي الجو ياهلْ العرف نصف النهار = ضاقت بي الدنيا العريضه ، من سمعت الخبر
وأكبر عذابي يوم شفت البيت مابه بشار = الإ شظايا غرفتها الجميله انكسر
والبيت متغيَر ، بدأ ينزل عليه الغبار = فيه المجلات القديمة ، طايحة والصور !
قالت : تعال ، اجلس معي ربع ساعه بإختصار = ترى الليالي فرقتنا ، والقضاء والقدر
ولا بقى من وقتي ، إلا ساعة الإنتظار = أودَع الجيران ، وانا حالتي في خطر
كفي دموعك ياحبيبة ، عندي آخر قرار = مالي بديرة ما سكنتوا في حِماها نظر
خلاص أنا قررت أسافر يم ذيك الديار = وأسكٌن معك في وادي الريان يا أغلى بشر
آخر دقيقه كنت شاهدها على أرض المطار = ونادى المنبه للتوجه ، حان وقت السفر
والطائرة طارت ، وقلبي فز معها وطار = والعين هلت دمعها في الحال دمع القهر

زمانك لوصفالك يوم = فلاتحسب صفالك دوم
وعينك لا أهتنت بالنوم = ترى الأيام غداره
ولاني أمس مثل اليوم = أكرر ونتي وأقوم
وأقول العاشق المحروم = نعم ماتنطفي ناره
انا لولا الحياء واللوم = لاأوضح ماجرى معلوم
وأقول لعاذلي ياقوم = فؤادي باحت أسراره
نهاري ول ويلاه وهموم = وليلي ياحبيبي حلوم
أنا اللي في الهوى مظلوم = على خل(ن) بعد داره
وهذا الحظ والمقسوم = أقضي العمر يوم بيوم
ودكتور الشفاء معدوم = وقلبي ولعت ناره
وعن حبك نويت الصوم = ولاني ملك لك محكوم
وجنسك بالعرب معدوم = لاشك النفس محتاره

يانور عيني كل شيئاً وله حد = حُبك بقلبي زايد(ن) فوق حده
باب الهوى مقفول وأنا اتردد = أنا افتحه ياللي بيدك ترده !؟
الوقت قرب والسفر يوم الأحد = ببعث لك المكتوب من بحر جِده
ياسِعد عين اللي تهنا بمرقد = اللي يشارك صاحبه بالمخده
والصدر فوق الصدر والخد في الخد = يوم الشتاء ينهل ونذوق برده
العمر فاني كل من راح مارد = اغنم من البستان يابوي ورده
نار الهوى بين الحنايا توقد = زادو حطبها وألهبوها بشِده
ياونتي ونات من خله أبعد = وياحر شوق اهله ويا طول بُعده

لاتسلْ السيف= الهوى بالكيف
والشتاء والصيف= يوم يتبع يوم
قلت : انا مجروح= يالطيف الروح
بس اجي واروح= حاير ومهموم
قال : وش قصدك= قلت : ابي وعدك
قال : يابـُعدك=عن كلام اللوم
كيف بتصرف= قصدي اتعرف
قال : نتشرف= بس انا محكوم
الهوى غلاب= نظرة واعجاب
مايدق الباب= قلت انا معلوم
قلت : اشوفك فين= قال : لي بعدين
نظرة(ن) بالعين= والمحبة دوم
قلت : لو مريت= يم باب البيت
قال : ماضنيت= ماانت بملزوم
قلت : وش عذري= قال : ماادري
قلت : ياصبري= لين ياتي يوم

مشاهـدك جـنـة ومنطـوقـك عـسـل حـالـي= ويـن النصيـب اللـي يحوشـك بالعمـر مــره
يالـيـت منزالـك قًـريـب يــم مـنزالـي= ياللـي عليـك النفـس طـول الـوقـت محـتـره
ياليتنـي ويـاك عايـش فــي خــلا خـالـي= مابـيـنـنـا حـاسـد ولا نـمـام بـالــمــره
ويــلاه يـاحـري ويـاشــري وغـربـالـي= مـن عقـب صــدك ياعشيـر(ن) شـح بالنـظـره
تمسـي وتصبـح يانظـر عينـي علـى بـالـي= مـن جـاب لـك سيـره معـه تمسكنـي العبـره
واعطيـه ضحكـة سـن كنـي داله(ن) سـالـي= ماقلـت لـه ذاك البشـر مرضـان مـن هجـره!!
يـوم بدونـك راح مـن عمـري علـى الخالـي= ياناس مـن مثلـي علـى الخالـي قضـى عمـره
أسـأل نسيـم الصبـح عنـك يـاهـوى بـالـي= لامـر مـن يمـي يصحيـنـي مــع البـكـره

ماعاد يمديـك تتأسـف علـى مـا فـات= أرخصت نفسك بنفسـك انـت يـا الغالـي
ولا تحـاول ترجـع حبنـا اللـي مــات= وفَـْر جهـودك ولا تتعـب علـى الخالـي
وهذا جـزى اللـي .. يحـاول يعمـل اللفـات= لابـد مـا يصبـح الخسـران بالتالـي
من صاد صيده قنع .. وانتـه تبـي صيـدات= وأفلست من صيدتـك يـا سمـح الأقبالـي
نسيـت يومـك تناظرنـي علـى الحـزات= واليـوم نزلـت ذاك المسـتـوى العـالـي
يـامـا ويـامـا تحملنـا مـن الـزلات= واليوم يا الحلـو لـك حالـك ولـي حالـي

ول ياعجوز(ن) ماتفارق بابها = متوليه مال أهل الهوى بمشعابها
عجوز شمطا لارحم من جابها = لوتنزل السكراب ماجابت ريال
تلبس ثياب (ن) شرتهم من عهد نوح = تقول جثة هامدة من غير روح
ماتوا رفايقها وهي عيت تروح = أنا أشهد ان الموت معطيها مجال
موديلها ماعاد يوجد بالبلاد = تحكي لك أخبار العرب من عهد عاد
من شافها مايهتني بحلو الرقاد = يطول ليله كله أحلام وخيال
شينه لعينه كنها ابليس الرجيم = تراثها من عهد وقتن قديم
والوجه كنه قطعة الليل الظليم = لاتفترش فرشه ولاتلبس نعال
لاجت تسولف كشرت بأنيابها = واللي يقرب يمها يبلا بها
ياما حبايب تفرقوا بأسبابها = ماشغلها ألا قالت : فلانه وقال
قلت : السلام ، قالت : أبعد وش تبي = قلت : أذكري ربك وصلي ع النبي
عابر سبيل وعهدتي في مذهبي = مانيب طالبك ياعجوز إبليس مال
سألتها عن جد جد جدي وين كان ؟ = قالت عرفته والوكاد أسمه فلان !
كنه سرى وياي في ذاك المكان = لازلت فاكر قصته والوقت طال
أعطيتها دينار قلت : تفضلي = واللي تبينه آمري وتدللي
ابي طريقي ياعجوز تجملي = قالت : تفضل وأسترح يابن الحلال !
أعطيتها أسرار قلبي ومطلبي = وشفت المكيده قلت : يارجل أهربي
أثر عجوز أبليس تبغي مقلبي !! = ياما العجايز ورطوا قبلي رجِال

يامتْلَف حالي = وأنته في بالي
إي والله غالي = اغلى من روحي
نارك تكويني = حبك يضوييني
حكمك يرضيني = وهرجك مملوحي
أذرف دمعاتي = وأشكي لوعاتي
وازعج وناتي = وإنته ماتوحي
يوم الله جابك = أتعب واشقى بك
بابك لأحبابك = خله مفتوحي
أعطيتك ودي = كغالي عندي
لو تعمل ضدي = برضك مسموحي
من خفة دمك = نتحمل همك
وكني من يمك = شايف لمصلوحي
جيتك بالعاني = أسمعك الحاني
يانور أعياني = قلبي مجروحي