البارحه سهران دمعي على الاوجان ..خلي وسيع اعيان هو مرهم جراحي
ياحلو يافتان ياقايد الغزلان ..ارحم فتى ولهان من الحب ماأرتاحي
ياداعج الاعيان ياخوخ يارمان .. ولا عنب لبنان عقلي معك راحي
دورت بالظهران والحضر والبدوان ..ورجعت انا حيران والقلب ماأرتاحي
البارحـه عيـت عيونـي تنـام .. سهران محدٍ فطـن فـي حالتـي
باأسباب ظبي رمانـي بالسهـام .. ساعـه نظرتـه هلـت عبرتـي
أشرت له قلـت يابـدر التمـام .. وقـف دقيقـه وأفهـم كلمتـي
اعطيك حرفيـن يافـرخ الحمـام .. عسـاك تسمـح تلبـي طلبتـي
وأعطف على اللي بحبك مستهام .. والنار شبت في داخـل مهجتـي
وبالوصف عيني لنور غيرك ظلام .. ليتـك بنظـره تـداوي علـتـي
البارحه فزيت من غرقه النوم .. مرتاع وقلبي كن وسطه حريقه
والله لولا الميز لأصيح مظلوم .. ولأشق جيبي ثم اقول الحقيقه
لاشك عند الغرق ماينفع العوم .. والنوح مايطفي لهيب الحريقه
ياعاذلي كف العذل عنك واللوم .. الصبر عن مظنون عيني ماطيقه
واجب الى من شفت مبلي ومهموم .. تدعي له الله ماتعارض طريقه
كل الذي يجري على العبد مقسوم .. من عند من ينجي النفوس الغريقه
ان مت بأسباب اريش العين مرحوم .. اللي رمى في القلب مليون ضيقه
الله يبيحه عد مايظهر نجوم .. وعداد مافي وقتنا من دقيقه
البارحه في منامي شفت خلي .. فزيت كني قريص عضه الداب
فرحان مرتاع وارحب واهلي .. والدمع مني على الأوجان سكاب
احسب وليفي عنالي في محلي .. هداه ربي وعود عقب ماغاب
لاشك خاب الامل في الصاحب .. اللي طاع العواذل وعاداني بلا اسباب
اول الى غاب عني يعتذر لي .. واليوم اوافيه ماكني من الأصحاب
عسى النمايم وراعيها يولي ..اما القبر او سجين وسط سرداب
اللي تسبب ونكر صاحب لي .. عليه دمعي سوات السيل صباب
الله حسيبه دهاني وقرب اجلي .. وشيب براسي وانا توي بعد شاب
خلى هدومي من عضامي تملي .. واسقاني المر في كيسان واشراب
والختم هذا اللي الله رايد لي .. ما لي جدى كود اراعي النجم لاغاب
البارحه ليل السعاده والافراح ..ليلن عسى ربي علينا يعوده
ليل قضيته بس في هرج ومزاح ..مع الحبيب الي زهى الزين عوده
العود موز وبالصدر طلع تفاح ..وكن القمر بالليل لمعة خدوده
وحمر الشفايا بينهن بيض وضاح ..من شافها ياناس ضيع ردوده
متى يعود الليل والبال ينساح ..واسج انا والزين حزه وجوده
وان عاده الله طاب كيفي وابرتاح ..ولاجزت عيني وعافت رقوده
ان صحت انا بالصوت مالي بمنصاح ..راعي الهوى عينه ونفسه تقوده
والي تسمع كل عاذل ونصاح ..الله يعود الليل الله يعوده
اسبح انا الزين والهم ينزاح ..واقطف من البستان زهرة وروده
البارحه ماسليت ولابنومي اهتنيت..والشاهدالله بكيت بسباب بدر التمام
عقب العشاءرحت ازور مشتاق لبدرالبدور .. ساري بليا شعور وراعي الهوى مايلام
دخلت بيته وانا كلي سرور وهنا .. جاء غايتي والمنا تعبان والله حرام
من شفته قلبي رجف ومن روعه جوي اختلف..والعقل مني انصرف وانقلب نوري ظلام
سابقتني دمعتي وشهقت ياحسرتي..ومسحتها بغترتي اخاف زودالكلام
قلت امش يم الطبيب تاخذ علاح وتطيب.. قال انت لو ماتغيب انا بنعمه دوام
قلت انا روحي فداك ماهمني الا رضاك.. في خير ولاا هلاك يالموت والنار حام
مادمت صارحتني وفي الحب متعتني.. واخلصت ماخنتني هذي اصول الغرام
القلب عاف الجميع لو يشترونه يبيع ..مايسمع ولا يطيع الا انت ياابن الكرام
البارحه ونيت واهتز سطح البيت ..على الذي وافيت داخل على الدكتور
منديله في يمناه والشنطه في يسراه ..ياليتني وياه كان ماعلي قصور
بموت من حبك يازين خف ربك ..عطف علي قلبك واقول لك مشكور
البارحه ياناس انا سهران .. سهران قلبي لاتلومونه
باسباب ضبي لي من الغزلان .. خوفي من الحساد يارونه
العين سودا والهدب سردان .. يذبح جميع اللي يشوفونه
والخد فيه نور القمر لابان .. نور عليه الخط يقرونه
وياغصن موز في ذرا بستان .. لامال عوده مالت اغصونه
اول نشوفه في بعض الأحيان .. واليوم حال الواشي من دونه
وشبت حرائق في القلب ياخوان .. وين الذي بنظره يطفونه
وختمي عدد حرف وسط قرآن ..جمعه و جميع الناس يقرونه
كلمات اغاني ومواويل الفنان الراحل بشير حمد شنان 
][ .. ××
العرض العادي
