يوم جا لها فار الفراري...... قالت له أبيك ورضت فيه !!!!!!!!!نهايتها رضت
بالفار وتزوجته.....!!!!!
ومرت الأيام والليالي بعد الزواج....... وذاك اليوم وكان في الشتاء والجو بااااارد....
واشتهت زنينيه مع زوجها الفار ..... ذيك العصيده عشان يتدفون.....
وقامت زنينيه بتسويها إلا تشوف ما عندهم ولا شي من مقاديرها ......
راحت قالت حق زوجها الفار ترى مافي عصيده ما عندنا شي.....
قال لها: أفا تقولين هالكلام وأنا زوجك...!!!
بس انتي علميني وش تحتاج له العصيده وأنا حاضر.....
قالت له : اجل اسمع نبي طحين ، ودبس ، ودهن
قال لها:شوفي انا بروح بيت جيرانا الأول وبطب في طحينهم!!!!
وانتي روحي طلبي منهم طحين.....
بعدين بروح بيت جيرانا الثاني وبطب في دبسهم!!!!
وانتي روحي طلبي منهم دبس.....
وبعدهم بروح بيت جيرانا الثالث وبطب في دهنهم!!!!
وانتي روحي طلبي منهم دهن.....
وفعلا راح وسوى مثل ما قال ....
وهي راحت بيت جيرانهم الأول وطقت الباب .... فتحو لها وقالت لهم :
عندكم حبيبة طحين؟؟؟؟ بسوي عصيده ونقصني .....
قالوا لها صبري نشوف ....راحت راعية البيت بتشوف أطحينها .....
ولا شافت إلا ذاك الفار قاعد ومتربع في كيس الطحين !!!!!
راحت وقالت حق زنينيه ترا الطحين فيه فار غميضه عليه ....
قالت لها : أبيه بفاره والنقوش اللي في القضاره !!!!!"القضاره يعني الزبديه "
وطبعا الحرمه ما صدقت خبر وعطتها الطحين كله ......
بعدين راحت حق جيرانهم الثانين وطقت وقالت لهم إذا عندكم أنتيفة دبس؟؟؟
توهقت في العصيده ونقصني .....
قالت لها راعية البيت أي اشوي وجيب لك ....
وراحت مطبخها ولا تشوف إلا ذاك الفار في الدبس !!!!!!
وجات تعلم زنينيه ان الدبس فيه فار .....
وقالت لها : أبيه بفاره والنقوش اللي في القضاره !!!!!
وقامت وعطتها الدبس.....
وراحت للبيت الثالث وطقت وفتحوا لها.....
وقالت :ما احصل عندكم قطيرة دهن سويت عصيده وما بقى إلا الدهن....
قالت لها:اي بشري الحين اصب لك من دهن البقر .....
وراحت بتصب لها دهن إلا فيه فار !!!!
عاد هذي الحرمه خوافه قامت تصارخ في مكانها ....!!!
زنينيه اعرفت انها شافت الفار ودخلت لها قالت لها وش فيش عسى ماشر؟؟؟؟
قالت لها : فار في الدهن غميضه بتاكلون العصيد جاف
قالت زنينيه: لا ناكله جاف ميخالف جيبيه,,,أبيه بفاره والنقوش
اللي في القضاره !!!!!
والحين وجمعوا المقادير بالحيله.... وراحت زنينيه تسوي العصيده....
وراح زوجها فار الفراراي يسبح في عين الحاره.... عن اللي لصق فيه
وهو يطب في اغراض الناس....
وسبح وتنظف .... وزوجته زنينيه سوت العصيده وقعدت تستناه ....
وظلت تستنا وهو تأخر ما جا....وبدأت تحاتي....تقول ما ادري اشفيه
بطى عاد اهوا مشتهي العصيده حيييييييييل.....
لمن يأست منه وقالت بقوم أدوره.....راحت مسكينه تدوره في الصكيك....
لين وصلت للصكه اللي تودي للحاره.....وما تشووف إلا الناس مجتمعين
والغبره قايمه ....وتتسآآل وش السالفه....وقربت عشان تعرف السالفه
ولا تشوف إلا ذاك الفار المعفوس وميت .....وأثاريه بعد ماسبح وفي رجعته
البيت داسته حماره ومات ......
مسكينه زنينيه .... قامت تجنز عليه وتقول :
عفت بناي ... وعفت حداد .... وعفت نجار .....وما أخذت إلا فار الفراره
وظلت على هالحاله ليييييييييين ماتت عليه ......
وحملت وجملت ويت الديايه وعنفصت
سلسلة حزاويـ حسآويهـ (زنينيهـ بنينيهـ) 
العرض العادي
