سكوووون الليل

سكون الليل · 11 ربيع الأول 1433هـ, 01:11 صباحاً

نجم الليل · 11 ربيع الأول 1433هـ, 01:42 صباحاً


	سكون الليل والنسمه شجن يحكي عن اشواقـي حكايـا صامتـه وأحـلام فـي دنيـا خيالاتـي اعيش أحلام مجنونه واحس الشـوق حراقـي مع احلامي سريت وقلت ابـا اتناسـا معاناتـي سرح فكري مع الحلم ونسيت ملخص اوراقـي تماديـت بخيـالٍ ساقنـي لاجمـل حكايـاتـي اعيش الحلم في صمتٍ رهيب وطيف عشاقـي رسم لي منظر الحلم القديـم وشـاق نظراتـي اشوف الليل لا عسعس ظلامه والضحـا باقـي يذوب من الدفا حول الضحا ويـذوّب الشاتـي ولامنه تنفّـس لـه صباحـه قبـل الاشراقـي يقول الليل ياشمس الضحا لمّـي لـي اشتاتـي ابا اتحدى صباحاً ماعبر فـي نـوره اعماقـي رسم نوره ذهب فوق الشتات وخـاف عتماتـي ابا انسج من شعاعه في شتاتي لمحة اشفاقـي نسيمه حرّك الـوان الشفـق ويثيـر وقفاتـي صحيت ومنظر الحلم الجميل الساحـر الراقـي يصوغ من الشجن صورة خيال آخر طموحاتـي وانا اسمعها تقول : ارجوك بدري شانت اخلاقي ولكـن بعثـر احلامـي زمانـي وانسجاماتـي شعوري من ورى وهم الخيال بشوق ينساقـي مدام ان الزمـن بعثـر طموحاتـي وفرحاتـي وفيت لمن وفت لي واسكنـت بالحـب خفّاقـي عملت المستحيـل وضيّعـت دنيـاي هقواتـي خذتنا الريح في عمق البحر والمـوج صفاقـي انا والشوق والمركب ضحايـا موجـه العاتـي حياتي من بعد فرقـا الحبيبـه كيـف تنطاقـي انا ما اظن احد غيري حصل لـه زي مأساتـي عزاي الصوره اجلس جنبهـا والقلـب تواقـي على اللي تلتفت صوبي بها وتشوف عبراتـي على البرواز والصوره بحر من ماطر احداقـي واحس انفاس من فيها تـذوب لوقـع دمعاتـي ابا اتذكـر سوالفهـا واسلّـي خاطـرٍ ضاقـي واعيش بهمسها الهادي واسكّـن فيـه وناتـي تقول : احرجتني لا تقولـي سبحـان خلاقـي تقول : اقسم لك ان الله جعلك انسان من ذاتـي تقول : اضما ضما زهره عليك وشعرك الساقي ولا من جيت ابا اذبل من ضماي احرمك نفحاتي واذوّقها العطش وليا استغاثت تطلـب اغداقـي أجي وامطر عليها سلسبيلـي وانثـر ابياتـي تقول : افهمك واستعجل مطرك بضوح براقـي مطرك استاهله ورعود قلبـك رهـن اشاراتـي تقول : ارجوك لا تنسا الوفا وايـاك وافراقـي نعيـش لحبنـا ولا نمـوت لحـب مـا ماتـي وانا اللي من وفاي اذكر وفاها واحمل اشواقـي الى آخر يوم من عمري لهـا وآخـر خيالاتـي

سحرالعيون · 11 ربيع الأول 1433هـ, 02:11 صباحاً

مااروع وقت الليل
تسلم يمينك ع الطرح
ويعطيك الف عافيه
وعساك على القوه..وتسلم يمينك من النار
الحقيقه تعـجز الحروف شكرك والثنآء
لروائعـك المتواصله وحضورك الثري
مودتي وتقديري لك

صدى · 11 ربيع الأول 1433هـ, 02:20 صباحاً

يعطيك 1000 عافيه ياالغلا ع الطرح
وعساك على القوه
ودي

الغصن الحزين · 11 ربيع الأول 1433هـ, 02:32 صباحاً

يعطيك العافيه يالغلا وتسلملي يمينك

تحياتي ,,,

رسالة إدارية:
زائرنا الكريم هذه الرسالة تفيد انك غير مسجل لدينا في مملكة الفن الشعبي نأمل منك التسجيل لكي تتمتع بجميع خصائص المملكة. للتسجيل في مملكة الفن الشعبي اضغط هــنا.

سكوووون الليل

مــرايا