كاطو قدرة قادر...

وقار · 21 صفر 1433هـ, 04:42 مساء

تنوويه...اللهجه مغربيه

كاطو قدرة قادر

كاطو قدرة قادر

هادي قدرة قادر كلمة لذيذة قليله فحقها
ما فيها لا زفورة و لا شي و الكريم متماسك و ما كيجيش مشقق
من الوجه او مرخي … يعني جربوها و انتوما مطمئنين
الوصفه شفتها فواحد الموقع عربي و جربتها و طبعا زدت عليها
إضافاتي الشخصيه باش نضمن نجاح الكريم
و النتيجه حلوى منعشه و لذيـــــــــــــذه

مقادير الكريم :

4 بيضات (الى كان صغير نديرو 5)

كاس صغير حليب نستلي
3 كيسان كبار حليب
كاس صغير حليب بودره (4 معالق كبيره)
معلقه صغيره فاني
قشرة حامضه كبيره محكوكه

كنحضرو الكراميل بكاس كبير سكر ندوبوه على نار هادئه حتى يولي لونه بني فاتح

و نصبوه فقالب اللي غادي نطيبو فيه الحلوى

عاد باش نبداو نحضرو الكريم

نضربو مقادير الكريم كلها فالخلاط إلا الحليب السائل

نضيف الحليب السائل و نكمل الخلط

نصب خليط الكريم فالقالب فوق الكراميل

مقادير الكيك :

3 بيضات

كاس صغير سكر
كاس صغير حليب
كاس صغير زيت
معلقه صغيره فاني
قشرة حامضه كبيره محكوكه
معلقه صغيره نسكافي
3 معالق كبيره كاكاو
معلقه صغيره و نصف خميرة
2 كيسان صغار و نصف دقيق

نحطو الحليب يغلى و نزيدو عليه نسكافي و نخليوه على جنب حتى تنزل حرارته

نطربو البيض+ السكر و الفاني و قشرة الحامض حتى يبياض و يتضاعف حجمه

نضيف الزيت و نحرك بالضراب السلك

نضيف خليط الحليب و نسكافي

نضيف خليط الدقيق + الكاكاو + الخميرة بالتدريج حتى يتمازج كلشي مزيان

نصب خليط الكيك على الكريم
يصب الكيك و سط الكريم و بشويه
و نحطو القالب وسط قالب آخر فيه الماء غليان و ندخلها للفرن ما بين 45د حتى ل 55د
نخرجو من الفرن و نخليه يبرد عاد باش ندخلو للثلاجه على الأقل 4 ساعات (انا تنخليه يبات )
عاد باش نقلبوه برفق فطبق و نقطعها قطع

شوفو ما شاء الله الوجه كيف املس و ما فيهش الخطيطات
و الكريم متماسك و منقولكمش على الطعم كيف لذيذ و أهم
حاجه حس الزفوريه ما كاينش لا فالكريم و لا فالكيك

اتمنى تعجبكم الوصفه و تجربوها
منقول

سحرالعيون · 22 صفر 1433هـ, 06:01 مساء

مشكور ع الطرح
يعطيك العافيه
وعساك ع القوه
ابدعت باختيارك
تحياتي لكـِ

**مجهوله في دنيتي** · 22 صفر 1433هـ, 07:14 مساء

طرح مميز
جميل بحضورك وطرحك
لآ حرمنآ منك ولآ من جديدك

محمد فهد الراشد · 22 صفر 1433هـ, 07:43 مساء

ربي يعطيك العافيه
اشكرك على جهودك الرائعه
طرح رائع
سلمت الايادي
ودي

عبدالله السلطان · 22 صفر 1433هـ, 08:02 مساء

سلمت يداك على الطرح المتألق
الله يعطيك العافيه
لاعدمنا تألقك وتميزك
ادام الله نبض قلبك

ودمت تظللك السعاده ..

رسالة إدارية:
زائرنا الكريم هذه الرسالة تفيد انك غير مسجل لدينا في مملكة الفن الشعبي نأمل منك التسجيل لكي تتمتع بجميع خصائص المملكة. للتسجيل في مملكة الفن الشعبي اضغط هــنا.

كاطو قدرة قادر...

طاهيات المملكة