تكفون تكفاشهيد الحب ياصاحبي اللي

عـابـر سبـيـل · 21 صفر 1433هـ, 04:39 مساء

انا سمعت اغنية مزعل فرحان ياصاحبي اللي
اللي نزلها ابوسلطان في موضوع نصف ساعة ومزعل يغرد
مليون مره ولا عرفت ايش يقول ماهي واضحه ومحتاج كلماتها ظروري

شهيدالحب · 21 صفر 1433هـ, 05:23 مساء

ياهلا فيك ياعابر سبيل .

ودي اقولك حتى انا ما عرفت ايش يقول وانا متاكد ان اكثر اللي اسمعوها ماعرفو ايش قال

عموماً الاغنيه انا حافظها واذا بتسمعها في كل التسجيلات اللي للجلسه فيها بيت مسجل على المنتصف منه البيت الخامس وايضاً التسريع من الاستريو اللي طبع الجلسه واهو استريو حسب علمي مملوك للفنان سابقاً كان موجود لديه هذي الجلسات وتقريباً اهي اندر الجلسات

اما الكلمات كامله تقول .

الصاحب اللي مسكنه بيمن السيف = عسى المطر يسقي محاري ترابه
جابتني الاقدار بأحلا التصاديف = اني امر بغفلةٍ من عند بابه
وقفت اطالع باب زين التواصيف = ودي اطق الباب واسمع جوابه
راح الشتاء واقفى وجاء بعده الصيف = وانا انتظر من طال عني غيابه
عند الذي لا جيته من اول ضيف = يحسب حسابي مثل ماحسب حسابه
غديت من مز الشفايا المرآهيف = كني سكييرٍ مدمن في شرابه
العشق قبلي مايبي زود تعريف = العشق قبلي من عصور الصحابه
لو طاوعتني النفس ماطاوع الكيف = ازيد بالقلب المعذب عذابه

وانشاء الله راح اسمعك الجلسه كامله اذا سمحت لنا الظروف بتسجيل كوالتي ومن غير اي تسريع او تقطيع وعلى فكره اللحن هذا سبب مشكله هذا اللحن منسوخ من لحن اغنية مرحوم لبدر الحبيش ..

فائق التحيه والتقدير وجل الشكر الجزيل لك ..

عـابـر سبـيـل · 21 صفر 1433هـ, 05:51 مساء

يالبى قلبك ياشهيد الحب مايجيبها غير رجالها فديتك والله
وبنتظر اسمع الجلسه كامله وصافيه منك على الجمر
كنت ناخيك وعارف اني ما ارجع خايب تسلم يالذيب ولايهنون الاعضاء

رح الله يرضا عليك ويوفقك ويسمح دربك

سحرالعيون · 22 صفر 1433هـ, 05:33 مساء

يعطيك الف عافيه شهيد

رسالة إدارية:
زائرنا الكريم هذه الرسالة تفيد انك غير مسجل لدينا في مملكة الفن الشعبي نأمل منك التسجيل لكي تتمتع بجميع خصائص المملكة. للتسجيل في مملكة الفن الشعبي اضغط هــنا.

تكفون تكفاشهيد الحب ياصاحبي اللي

كلمات الاغاني