مع الخيل يا شقراء

سحرالعيون · 9 صفر 1433هـ, 02:51 صباحاً

السلام عليكم ورحمة الله وبركاته ،’ . .

شخباركم وعلومكم ياحقون التراث والأولين

الوكاد .. كلنا نسمع بالمثل اللي يقول ( مع الخيل ياشقرا )
وكما نعلم فهو يطلق على الشخص اللي يدربي دميجته ورا الناس ويقلدهم في كل شي
حتى لو هو مب صالحن له .. اهم شي انه يقلد، كما هو حال بعض شبابنا هذا اليوم هداهم الله

لكن ياترى هل مره سأل احدكم نفسه
من هذه الشقراء المقصوده هنا .؟

اقروا القصه عشان تعرفون ..
يقولكم والعهده على الراوي ..

كان يامكان في قديم الزمان كان بوه فلاح وعنده خيولن جميله
كل صبحيه عقب مايقوم ويتقهوى يروح ويرعاهن ويدربهن

فيفتح لهن باب الحوش أو مايسمى بالإسطبل حديثاً
ويخليهن يدوجن ويلعبن بأرجاء المزرعه لين يطيح اللي براسهن ..

وبنفس الوقت كان عندوه بقره شقراء عزيزةٍ على قلبه

وكانت هالبقره كل ماقام الرجال واطلق الخيول وشافتهن يراكضن

قامت ورفعت ذيلها وركضت وراهن بأسرع ماعندها تقلدهن تسنها مهبوله

وكل ماشافها الفلاح على هاك الحال .. قال :

مع الخيل يا شقراااء

ودرجت هالكلمه لين صارت مثل يضربون به اللي يسوي مثل سواة البقره
وسلااااامتكم

وطلعت الشقرا بقره < كني بكم تقولون امحق نهايه
واللي يعرفها لايقول ادري فيها <عشان مايجيني احباط

</B></I>

الفجر البعيد · 9 صفر 1433هـ, 04:46 صباحاً

ههههههههه
عجبني المثل نع الخيل ياشقراء
ربي يعطيك الف عافيه
وعساك ع القوه

نايف الدوسري · 9 صفر 1433هـ, 04:50 صباحاً

يــعـطيكـ آلعافيهـ ,, غلآتي ,,

تسلم ديآتكـ ,, على آلطرحـ ,,

اتمني ان تواصل هآذآ آلعطاء آلمميز

بنوته واو · 9 صفر 1433هـ, 04:54 صباحاً

طرح رائع جدا
يعطيك الف عافيه
ودي

ارو · 9 صفر 1433هـ, 04:57 صباحاً

يسلمو ع الطرح
ربي يعطيك الف عافيه

رسالة إدارية:
زائرنا الكريم هذه الرسالة تفيد انك غير مسجل لدينا في مملكة الفن الشعبي نأمل منك التسجيل لكي تتمتع بجميع خصائص المملكة. للتسجيل في مملكة الفن الشعبي اضغط هــنا.

مع الخيل يا شقراء

الحـــزاوي