تغطية المسلسل فرصة ثانية

سحرالعيون · 3 رمضان 1432هـ, 05:17 صباحاً

تركي (عبدالعزيز جاسم ) رجل يتعرّض لصدمه يذهب على أثرها بغيبوبه
يفيق منها ليجد ابنتيه ضحى وسجى وأبناء أخيه "الضريرين" بجانيه
بالإضافة الى اخته حصّة التي حرمت من بناتها عشرين سنه !
وعندها يتقيّن أنّ في العمر فرصه ثانيه ،،
فيبدأ بترتيب أوراقه من جديد لينطلق ويصلح أخطائه للحفاظ على ترابط أسرته !

# الفنانه سعاد عبدالله تألقت الــ 3 سنين اللي طافو
وهالسّنه قرّرت تغيّير الكاتبه وقروب الفنانين عشان ماتطيح بفخ التكرار فهل راح تنجح ؟!

تأليف: وداد الكواري ، إخراج: علي العلي.

سعاد عبدالله ، عبدالعزيز جاسم ، حسين المنصور ، باسمة حمادة ، خالد أمين ،
إلهام الفضالة ، مشاري البلام ، عبير أحمد ، مرام ، ملاك ، زينة كرم ،
حسين المهدي ، صمود ، أحمد إيراج ، أمل العنبري.

سحرالعيون · 3 رمضان 1432هـ, 05:18 صباحاً

- قناة الرآي /
× العرض الأول : 4:45 عصرا
× الإعادة الأولى : 9:15 مساء
× الإعادة الثانية : 1:15 ليلآ

- قناة MBC1 /
× العرض الأول : 9 مساء
× الإعادة الأولى :

- قناة الوطنية /
× العرض الأول : 7:30 مساء
× الإعادة الأولى : 12:30 ليلآ
× الإعادة الثانية : 1:15 ظهرآ

- قناة الكويت /
× العرض الأول : 7:15 مساء
× الإعادة الأولى :

سحرالعيون · 3 رمضان 1432هـ, 05:25 صباحاً

الحلقه 1

بدت الحلقة بمشهد الاسعاف والعائلة كلها بالمستشفى
وبغرفة الدكتور (سعاد عبدالله = حصة) تقول ما يصير لين متى بنتم على هالحالة و(الهام =بدريه ) تقول ليه مانسفره نعالجه
والدكتور يقول ان الطب عاجز على علاج مثل هالحالات و أنها ممكن تجيء فجأة وتروح فجأة ومالهم إلا الصبر
وببيت عبدالله اخو تركي
(البلام )و( خالد امين=معاذ) ضريرين والبلام يقول مدري وش دعمت فيه وطاحت مني الصينية
ومعاذ يلوم نفسه انه لو ما اتصل بعمه ما صار فيه هاللي صار
قاله اخوه أصلا لو ما اتصلت كنت أنا اتصلت أول مصيبة تصير لنا أول اسم يخطر على بالنا هو عمي
قاله انا ما دريت انه الخبر بيسوي بعمي جذي
قاله اخوه لهالدرجة عمي يحب ابوي يروح بغيبوبه

بالمستشفى
بدريه معصبة تقول انا مو موافقة على كلام الأطباء مريض كله أجهزة نعرضه للخطر ليش
قالت لها سعاد احنا بنفهم اكثر من الدكاتره وانا واخوي وبناته مع رأي الدكتور و بنطلعه ونخليه يشم هوا
واللي بتسوينه سويه واخوه منصور هو اللي وقع و بنطلعه بالنهار كم ساعه ونرده
قالت بدريه ومن هالمنصور ومن حاسب نفسه
قالت لها حدك عاد دام اخوي تركي ما جاب عيال منصور اخوي يسد محلهم
وطلعت معصبه من عندهم تقول أن صار له شيء بحملكم المسؤوليه

وعند بيت تركي حصه ومنصور مع الممرضة بيدخلون تركي وتوصيها عليه
وتركي بنفسه يقول ليه يا حصه ما تبين تدخلين بيتي
و(منصور=حسين المنصور) يقولها خل ندخل بعدين نرجع معه المستشفى
قالت مابي أقابل بدريه وبروح للبيت أبدل وأنت جب أغراضك من عند رفيجك وتعال معاي
قالها اخاف اسبب لك أحراج قالت امش بس وش احراجه
وببيت تركي
بدريه معصبه على بناتها (زينه=ضحى) (صمود=سجى) عشان طلعت ابوهم من المستشفى وانهم سمعوا كلام عمتهم وطلعوه
وضحى تقول لو مو الكلام صح كان الاطباء ما أيدوا عمتي وانا عن نفسي بخدمه طول عمري
وتركي بنفسه يقول كفو يا بناتي هذا عمكم وواجب عليكم ما تفارقونه >>>شكله فاهم ان المريض منصور !!

وبالسيارة (ملاك=الاء) وزوجها حسين مهدي
يقنعها انهم بيسكونون عند اهلها هالفترة وهي تقول مو مقتنعه انا نقعد عندهم بهالظروف
وتقول انه ما يهون عليها تشوف ابوها كل يوم على الكرسي وان ضحى تقول كل يوم بيجيبونه البيت

ببيت بدريه
الاء معصبة عند امها ليه أختها تكسر كلمتها قدام الخدم وما ترضى تصعد الشناط ان لها بالبيت مثلهم
قالت لها أنت صعدتي شناطك ولا عليك منها و ابوك حي ما بعد مات عشان تورثينه
وبعدين ما عرفتك ما تعرفين السنع ما يصير زوجك يقعد بالبيت خواتك مايخذون راحتهم
قالت لا هو بيقعد عند اهله بعدين ما يصير تردوني وتكسرون كلمتي خل اقعد كم يوم دام جبت اغراضي
جت ضحى وقالت لابوها أن عمها جا و بيوديه الشركة

وعند بيت حصة
بنات تركي رايحين لها يقولون بيروحون للمستشفى قبل ما يوصل ابوهم مع عمهم
وشوي جا منصور يقول لحصة أن السايق اتصلت عليه بدريه وزفته وقام يرجف يا دوب وصل تركي للمستشفى وجا لها
قالت له انه بدريه تسوي كذا عشان تحسسهم أن مايخصهم بتركي و اللحين نروح مع البنات نجيب أغراضك ولا منية بدريه
وهو مو راضي يقول ما يصير أروح بالبنات لذاك المكان
قالت وش عليهم أنت رايح بهم لوين لفريج فيه بيوت مو لسجن
وهالشيء مالك ذنب فيه دفعت عشرين سنة من عمرك ثمن لهالشيء أنسى خلاص
قال النسيان مو لي للي عندهم خير انا لي الندم والحسرة انا مابي البنات يروحون ذاك المكان

وبسيارة البنات
ضحى تقول لسجى عمنا يعني بمقام ابونا
قالت سجى صراحة أمي معاها حق هو صح يكسر الخاطر بس شبهه تتوقعين مراقب
قالت حتى لو مراقب ابوي يقول ان ماله ذنب وانهم غسلوا مخه وقصوا عليه
وهو دفع الثمن غالي كبروا عياله وهو بعيد عنهم خسرهم وخسروه
وببيت بدريه
بدريه تقول لالاء ان قصته ماتنطري القتل والمخدرات اهون منها
قالت بنتها شدعوة يمه اصلا ابوي يقول انه بريء وقصوا عليه وهو ياهل
قالت أي بريء وهو معترف على نفسه واي ياهل ثلاثين سنة ياهل
جت ضحى لأمها قالت يمه السايق كان حاطك على السبيكر وعمي سمع كل الكلام اللي قلتيه
ومو من حقنا نحاسبه هو كان صغير
قالت ثلاثين سنة صغير
قالت هذي اختي الاء قريب الثلاثين وعقلها صغير
قالت لاتغلطين اختك عاقل بس زوجها ممشيها على كيفه
قالت وعمي ربعه مشوه على كيفهم
طلعت من البيت وهي تقول بروح للدكتور أقوله يمنع عن هالعلل الزيارة رايحين رادين على المستشفى

وبالمستشفى معاذ معاه تركي الصغير
زايرين تركي ومعاذ يقنع تركي انهم يروحون للبيت ويرجعون بكره والولد مو راضي
يقول انه يحب عمه تركي وانه قال لآمه
وتركي يقول بنفسه حتى انا احبك يالسمي

وعند الدكتور يقنع بدريه ان الزيارة مهمه لتركي وتساعده
وهي تقول ان الرأي الأول والأخير لها وهو يقولها أن رأي اخوانه مهم واللي يقررونه
بيوافق عليه

ببيت معاذ
معاذ يقول لمنصور ان امهم مجهزه له غرفه عندهم
قال لا انا بروح لبيت حصه اريح لي وانها لحالها
قام منصور يدمع قام له معاذ عمي انت تبكي قاله دمعت عيني صدق الاهل يبقون اهل
وقام بيطلع قاله اخو معاذ عمي وين بتروح تو الناس
تفاجأ منصور قال شلون عرفت

بغرفه ضحى سجى تقولها تهقين ابوي بيصير احسن
قالت ان شاء الله الله كريم
قالت ياحلو سوالف عمتي اول مرة اسولف معها هالكثر انا مدري ليه امي تقول عنها دمها ثقيل
قالت امي ماتحب اهل ابوي تقول انهم طمعانين فيه مع اني اشوف العكس
قال سجى العكس قصدك امي طمعانه في ابوي خخخخخخ
قالت لا ابوي طول عمره يحاول يعطيهم وهم مايرضون
قالت من يعطي عمتي حصه مو محتاجه وعمامي كلهم ورثوا وين ودوا ورثهم !!

ببيت حصه
جالسه حصه مع منصور وتركي وتتفرج على الصور توري تركي صورة وحده تقول
هيا كنت تحبها تصدق يامنصور
اليوم هيا تكمل 28 وود 26 بينهم سنتين بس تصدق يبتهم بنفس اليوم ونفس التاريخ
قالها مافيه عنهم اخبار
قالت من متفرغ لي انت كنت بالسجن وعبدالله كان مع عياله المبتلين وتركي لاهي ببيته وتجارته
قال تركي الله يهداك ياحصه كلفت محامي وطرشت ناس مادلوا مكانهم
قالت حصه ابوهم حرمني منهم عسى الله يحرمه من اعز مايملك تصدق حتى التلفون ماغيرت رقمه
اقول يمكن في يوم من الايام يدقون علي واسمع صوتهم ولهت على عيالك , فهد صار رجال اطول منك وإلا ذيك مانشوفها
صح فهد قاطع بس من عيد لعيد يزورني مارحت لهم
قال انه معاذ يقول انه يمر عليهم كل يوم بس اخاف اواجهه اسلم عليه مايرد علي يفشلني انا ماالومهم ولا الوم امهم
قالت امهم اصيله مارضت تتطلق منك وماتت وهي على ذمتك

وبالسوق معاذ وفهد
معاذ يقول لفهد ليه يقطع ابوه وانه مفروض يروح يشوفه وانه مسكين وماقطعهم إلا غصب عنه
نروح للمستشفى ونشوفه
قال رحت للمستشفى كم مرة ماشفته هناك وعلى بالك لو شفته بعرفه انا اخر مرة شفته
كان عمري تسع سنين
عشرين سنة كل ماسألني احد وين ابوك احس اني بموت

البلام بالمستشفى وواجه بدريه وسجى
يقولهم شلون عمي ان شاء الله احسن
قالت سجى مثل ماهو تعرف منو انا
قال لها ايه سجى
قالت بدريه يامال الضعفه يعرفون اكثر منا خخخخخخخخ
قالت يمه شلون عرفني
قال لها من صوتك
قالت بدريه خلاص خلوا الرجال يتنفس مريض ناس يايه وناس راده وعمتك هالثقيله الطينه
قالت سجى انا سمعت انه مو كويتي شلون خذا منها البنات
قالت امها ماينلام لاعت كبده منها وخذا بناته
قالت سجى بس انا القصة اللي سمعتها من ابوي غير كله يقول عمتك مسكينه وانظلمت
قالت امها والله محد انظلم غيرنا بربسوا بورثهم واللحين يايين يبون ورثنا سكتي ضايقة فيني الوسيعة
قالت كلنا والله يمه
قالت كلكم منو !! العودة مرتزه بالمطبخ تعطي اوامر كنه الامير تشارلز بيتغدا عندنا
والثانية رايحة تقابل ناس مااواطنهم رايحه لام معاذ وانتي تبين تسمعين قصص تلوع الكبد وينك ياعمر الله يرحمك
محد يحس فيني غيرك انت

ببيت تركي بالمطبخ
ضحى تقول لــالاء ان ام معاذ شرهانه عليها ليه ماعزتها
قالت كان تعذرتي لها احنا مو فاضين بالمستشفى
قالت كلنا قابلنا ابوي بس نص ساعة ماراح تضر بس وين انتي مو فاضية لازم تشرفين على الاكل لسي السيد
شايفة الوقت مناسب لهالعزيمة
قالت والله ريلي واهله من زمان ماتغدوا عندنا
قالت ريلج كل يوم يوصل غداه لين عنده واهله ماكلفوا على خاطرهم يدزون
اكل لبيت المرحوم عمك اكرام له ولك
خلاص ردي بيتك لين متى بتمين خداي خخخخخخخخخخ
ببيت حصة
حصة تسولف لمنصور عن بناتها
ويقولها كل مصيبة تهد الحيل الله يشفي تركي ويرحم الثاني
تركي بنفسه منو الثاني منو ليه ماتردون

الحلقه 1 -

فقط الأعضاء المسجلين و المفعلين يمكنهم رؤية الروابط و الوصلات

فقط الأعضاء المسجلين و المفعلين يمكنهم رؤية الروابط و الوصلات

نايف الدوسري · 3 رمضان 1432هـ, 05:40 مساء

يــعـطيكـ آلعافيهـ ,, غلآتي ,,

تسلم ديآتكـ ,, على آلطرحـ ,,

اتمني ان تواصل هآذآ آلعطاء آلمميز

يكفي شموخي · 3 رمضان 1432هـ, 08:18 مساء

ماشاء الله عليك ولا خطاء نفس الحلقه بالحرف الله يعطيك العافيه

رسالة إدارية:
زائرنا الكريم هذه الرسالة تفيد انك غير مسجل لدينا في مملكة الفن الشعبي نأمل منك التسجيل لكي تتمتع بجميع خصائص المملكة. للتسجيل في مملكة الفن الشعبي اضغط هــنا.

تغطية المسلسل فرصة ثانية

عـرب سات